बारामती तालुका नाभिक महामंडळाची कार्यकारणी जाहिर-श्री.धिरण रविंद्र पवार,वडगांव निंबाळकर यांची बारामती तालुका अध्यक्षपदी निवड

बारामती : महाराष्ट्र राज्य नाभिक महामंडळ पुणे जिल्हा तसेच बारामती तालुका नाभिक संघटना यांच्या वतीने 

शनिवार दिनांक १५-०३-२०२५ रोजी श्री.संत शिरोमणी सावतामाळी सभागृह,वडगाव निंबाळकर तालुका बारामती जिल्हा पुणे येथे कार्यकारिणी निवडीसंदर्भात बैठक आयोजित करण्यात आली होती.

या बैठकीसाठी प्रमुख पाहुणे म्हणुन नाभिक महामंडळाचे पश्चिम महाराष्ट्राचे अध्यक्ष,श्री रमेशजी राऊत तसेच पुणे जिल्हा अध्यक्ष, श्री.अशोकरावजी मगर, पुणे जिल्हा महिला अध्यक्षा सौ. मंगलाताई आढाव, कार्यक्रमाच्या अध्यक्षस्थानी माजी अध्यक्ष पश्चिम महाराष्ट्र नाभिक महामंडळ श्री.शंकरराव तात्या मर्दाने हे होते.

दरम्यान वडगांव निंबाळकर येथील श्री.धिरण रविंद्र पवार यांची बारामती तालुका अध्यक्षपदी सर्वानुमते निवड करण्यात आली.

तर उर्वरित कार्यकारणी मध्ये श्री.सतिश छबन कर्वे यांची कार्याध्यक्ष आणि श्री.महेश छबन जाधव यांची उपाध्यक्ष पदी निवड करण्यात आली.

तसेच श्री.राहुल शिवाजी जाधव यांची सचिव पदी निवड करण्यात आली, त्याचबरोबर सौ.राजश्री सुहास जगताप यांची बारामती तालुका महिला अध्यक्षपदी आणि सौ.पुष्पा मनोज जाधव यांची बारामती तालुका उपाध्यक्ष पदी सर्वानुमते निवड करण्यात आली.

बैठकीस राज्य कार्यकारणी सदस्य श्री.सुनिलजी जगताप तसेच श्री. मच्छिंद्र बिडवे संपर्क प्रमुख पुणे जिल्हा,श्री.आदिनाथ गायकवाड,श्री. लालासो जाधव,श्री.सुनिल जाधव, श्री.सागर राऊत,श्री.मनोज जाधव,सुपा येथील सुपा गावचे नाभिक संघटनेचे अध्यक्ष श्री महेश जाधव, उद्योजक सुयश जाधव व पत्रकार श्री दीपक जाधव व इतर नाभिक बांधव,श्री.मारुती कर्वे,श्री.महेश काशिद,श्री.हेंमत गायकवाड उपस्थित होते त्याचबरोबर बारामती तालुक्यामधुन बहुसंख्येने समाज बांधवही उपस्थित होते.

बैठकीच्या आयोजनासह स्नेह भोजनाचेही नियोजन महाराष्ट्र नाभिक महामंडळ शाखा वडगाव निंबाळकर व  बारामती तालुका नाभिक संघटना यांच्या वतीने उपस्थितांकरीता करण्यात आले होते.

बैठकीच्या कार्यक्रमाचे सुत्रसंचलन श्री.चंद्रकांतजी जाधव सर यांनी केले व आभार श्री.पाडुंरंग पवार यांनी केले.