गुन्हेगारीब्रेकिंगमहाराष्ट्र
माळेगाव पोलिसांनी २ लाख २९ हजार रुपये किमतीचे १४ मोबाईल परत केले.
प्राप्त माहितीचे संकलन आणि तांत्रिक विश्लेषण करून घेतला शोध.
0
1
4
5
7
4
माळेगाव: ता.बारामती पोलीस ठाणे कार्यक्षेत्रात नागरिकांचे हरवलेल्या मोबाईल संदर्भात माळेगाव पोलीस ठाणे येथे नोंदविलेल्या तक्रारींवर मोबाईलचे शोध घेण्यासाठी मा.श्री.पंकज देशमुख सो. पोलीस अधीक्षक पुणे ग्रामीण, मा.श्री गणेश बिरादार सो अपर पोलीस अधीक्षक, बारामती विभाग, मा.डॉ.श्री. सुदर्शन राठोड सो. उपविभागीय पोलीस अधिकारी, बारामती उपविभाग यांचे मार्गदर्शनाखाली माळेगाव पोलीस स्टेशनचे प्रभारी अधिकारी सहा.पोलीस निरीक्षक श्री सचिन लोखंडे यांनी विशेष मोहीम सुरू केलेली होती.
या मोहीमेअंतर्गत कामकाज पाहणारे पोलीस नाईक श्री.ज्ञानेश्वर सानप, गोपनीय विभाग, माळेगाव पोलीस स्टेशन यांनी माळेगाव कार्यक्षेत्रात हरविलेल्या मोबाईलचा शोध घेण्यासाठी पोलीस अधीक्षक कार्यालय, पुणे ग्रामीण यांचेकडे पत्रव्यवहार करून त्यांचे कडून प्राप्त माहितीचे संकलन आणि तांत्रिक विश्लेषण करून एकूण २ लाख २९ हजार ५०० रुपये किमतीचे एकूण १४ मोबाईल फोनचा शोध घेतलेला व अत्यंत आधुनिक तांत्रिक पद्धतीचा वापर करून शोधून काढले.
मिळालेले एकूण १४ मोबाईल दसरा सणाच्या दिवशी माळेगाव पोलीस स्टेशनचे प्रभारी अधिकारी सहा.पोलीस निरीक्षक श्री.सचिन लोखंडे सो यांच्या हस्ते मूळ तक्रारदार यांना परत करण्यात आले.
नागरिकांना त्यांचे मोबाईल परत मिळाल्यामुळे सर्वांनी समाधान व्यक्त करून सहाय्यक पोलीस निरीक्षक सचिन लोखंडे यांच्यासह माळेगाव पोलिसांचे आभार मानले.
पोलिसांकडून सर्वच तपासात अशाच कामगिरीची अपेक्षा आहे व रहिल असेही काहींच्या बोलण्यातून आले.
