गांजा विक्रीकरणाऱ्या इसमास गांजा मुद्देमालासह केले जेरबंद, ८०,१००/-रु किमतीचा मुद्देमाल जप्त, वानवडी पोलीस ठाणे,पुणे शहर यांची कारवाई.

पुणे : दि.२३/०९/२०२५ रोजी वानवडी पोलीस ठाणे तपास पथकातील अधिकारी व कर्मचारी हे वानवडी पोलीस ठाणे हद्दीमध्ये पेट्रोलिंग करीत असताना, तपास पथकाचे पोलीस अंमलदार विठ्ठल चोरमले व अमोल गायकवाड यांना त्यांचे गुप्त बातमीदारांमार्फत बातमी मिळाली की, एक काळया रंगाची हिरो स्प्लेंडर मोटार सायकलवर गंगा सॅटेलाईट सोसायटी ते नेताजीनगरकडे जाणा-या रोडवरील पुलावर संशयितरित्या एक इसम थांबला असुन त्याचेकडे असलेल्या पिशवीमध्ये काहीतरी संशयित सामान आहे. अशी खात्रीशीर बातमी मिळाल्याने तपास पथकाचे अधिकारी व अंमलदार यांनी दोन पथके तयार करुन मिळालेल्या माहितीच्या ठिकाणी जावून खात्री करुन बातमीतील वर्णनाचा इसम हा गंगा सॅटेलाईट सोसायटीजवळ, वानवडी, पुणे, नेताजीनगरकडे जाणाऱ्या रोडलगत अंधाराचा सहारा घेऊन संशयास्पदरित्या एक सॅग बॅग (पिशवी) घेवुन मोटार सायकलवर कोणाची तरी वाट पहात थांबलेला दिसुन आला.

सदर इसमास वानवडी पोलीस ठाणे तपास पथकाचे अधिकारी व अंमलदार यांनी सदर ठिकाणी सापळा रचुन अचानकपणे छापा टाकुन तो पळुन जाण्याचा प्रयत्न करीत असताना जागीच शिताफीने पकडुन त्यास आहे त्या परिस्थितीत ताब्यात घेतले. 

त्यास त्याचे नाव पत्ता विचारता त्याने त्याचे नाव तौफिक रझाक शेख, वय २६ वर्षे, रा. नवाजिश चौकाजवळ, हयात हॉटेल समोर गल्लीमध्ये, बिलाल मजिद बाजुला, मिठानगर, कोंढवा खुर्द, पुणे असे असल्याचे सांगितले. त्याची अंगझडती घेता त्याचे कब्जात १६,२००/-रु.कि.चा ८१० ग्रॅम वजनाचा गांझा हा अंमली पदार्थ, त्याकामी वापरलेली दुचाकी, मोबाईल हॅन्डसेट आणि त्यातुन मिळालेली रोख रक्कम असा एकुण ८०,१००/-रु.कि.चा मुद्देमालासह मिळुन आल्याने त्यांचे विरुध्द विविध  कलमान्वये गुन्हा दाखल करण्यात आला आहे.

अधिकचा तपास हा सहा. पोलीस निरिक्षक उमाकांत महाडिक हे करीत आहेत.

सदरची कामगिरी ही अपर पोलीस आयुक्त. पुर्व प्रादेशिक विभाग, पुणे शहर श्री. मनोज पाटील पोलीस उप-आयुक्त, परिमंडळ ०५ पुणे शहर, डॉ. राजकुमार शिंदे,सहा. पोलीस आयुक्त, वानवडी विभाग, पुणे शहर श्री. धन्यकुमार गोडसे यांचे मार्गदर्शनाखाली वरिष्ठ पोलीस निरीक्षक श्री. विजयकुमार डोके यांच्या सुचने प्रमाणे तपास पथकाचे सहा. पोलीस निरीक्षक उमाकांत महाडिक व पोलीस अंमलदार दया शेगर, महेश गाढवे, अमोल पिलाणे,अतुल गायकवाड, विठ्ठल चोरमले, विष्णु सुतार, अभिजित चव्हाण,यतीन भोसले, आशिष कांबळे,अमोल गायकवाड,गोपाळ मदने,बालाजी वाघमारे,अर्शद सय्यद यांनी केली.