गुन्हेगारीब्रेकिंगमहाराष्ट्र
वासना, हत्या आणि चोरी! गरोदर महिलेचा जीव घेणारा नराधम पोलिसांच्या जाळ्यात. अवघ्या दोन तासांत लावला छडा! माळेगाव पोलिसांची मोठी कामगिरी.
0
8
9
9
0
3
बारामती: बारामती तालुक्यातील पणदरे येथील एम.आय.डी.सी परिसरात एका महिलेचा अज्ञात शस्राचा वापर करून तिचा निर्घृण खून करण्यात आल्याची अत्यंत धक्कादायक आणि संतापजनक घटना १२ सप्टेंबर २०२६ रोजी उघडकीस आली होती. या घटनेची माहिती मिळताच माळेगाव पोलिसांनी अत्यंत वेगाने आणि कौशल्याने तपास करत अवघ्या दोन तासांत या गुन्ह्याचा छडा लावून आरोपीच्या मुसक्या आवळल्या आहेत. माळेगाव पोलिसांच्या या दमदार कामगिरीचे सर्वत्र कौतुक होत आहे.
मिळालेल्या माहितीनुसार, माळेगाव पोलीस ठाण्यात १३ सप्टेंबर २०२६ रोजी रात्री अडीच वाजण्याच्या सुमारास खुनाचा गुन्हा दाखल करण्यात आला होता. रंजना लक्ष्मण पवार (रा. पणदरे, ता. बारामती) यांनी याप्रकरणी फिर्याद दिली होती. त्यांचा मुलगा तानाजी आणि सून वैशाली हे पणदरे एमआयडीसी परिसरात स्वतंत्र राहत होते. १२ सप्टेंबर रोजी सायंकाळी पावणेआठ वाजण्याच्या सुमारास तानाजी रडत असल्याचे शेजाऱ्यांनी रंजना पवार यांना फोनवरून सांगितले. त्यांनी तात्काळ घटनास्थळी धाव घेतली असता, सून वैशाली रक्ताच्या थारोळ्यात मयत अवस्थेत पडलेली दिसली.
या भयानक घटनेची माहिती मिळताच माळेगाव पोलीस स्टेशनचे प्रभारी अधिकारी, सहाय्यक पोलीस निरीक्षक कुलदीप संकपाळ यांनी तात्काळ घटनास्थळी धाव घेतली. गंभीर जखमी अवस्थेतील वैशाली यांना बारामती येथील वैद्यकीय महाविद्यालयात पाठवण्यात आले. घटनास्थळाची आणि आजूबाजूच्या परिसराची बारकाईने पाहणी करत पोलिसांनी तपासाची चक्रे वेगाने फिरवली. यावेळी केलेल्या गोपनीय चौकशीत परिसरातील गणेश रामचंद्र माने (वय २६ वर्षे, रा. पणदरे, ता. बारामती) याच्यावर पोलिसांचा संशय बळावला.
पोलिसांनी गणेश माने याला ताब्यात घेऊन त्याची कसून आणि कौशल्यपूर्ण चौकशी केली असता, त्याने गुन्ह्याची धक्कादायक कबुली दिली. शारीरिक संबंध ठेवण्याच्या उद्देशाने त्याने वैशाली यांना सुरुवातीला हातोड्याने मारून गंभीर जखमी केले. त्यानंतर रक्ताच्या थारोळ्यात पडलेल्या जखमी अवस्थेतच त्यांच्यावर जबरदस्तीने अत्याचार केला. या अमानुष कृत्याला विरोध करत असताना आणि तिने हे कृत्य कोणाला सांगू नये, या भीतीने त्याने टॉवेलच्या साहाय्याने गळा आवळून वैशाली यांचा निर्घृण खून केला.पोलिसांनी त्याला तातडीने अटक केली असून, त्याला १६ सप्टेंबरपर्यंत पोलीस कोठडी सुनावण्यात आली आहे.
