आरोग्य व शिक्षणगुन्हेगारीब्रेकिंगमहाराष्ट्र
शरीरास घातक इंजेक्शन विकणाऱ्यास बारामती शहरामध्ये अटक, – मेफेनटर्माइन (MEPHENTERMINE) या इंजेक्शनाच्या ९० बॉटल मिळुन आल्या
0
1
7
1
0
3
बारामती: ता. ०३/०६/२०२५ रोजी बारामती शहर पोलीस स्टेशन हद्यीमध्ये पोलीसांकडून पेट्रोलिंग चालू असताना बारामती भिगवण रोड ईलाईट जिम येथे सर्व्हिस रस्त्यावर बाजूला दोन इसम त्यांच्या जवळ असलेल्या क्रेटा गाडी क्रमांक एम एच १४ जे ए ०९०१ मध्ये बसलेले दिसुन आल्याने आम्ही त्यांचे जवळ जावुन त्यांना त्यांचे नाव पत्ता विचारला असता त्यांनी त्याची नावे तन्मय कल्याण बनकर वय २६ वर्ष रा.सहयोग सोसायटी समोर बारामती जि पुणे व दुसऱ्या इसमास त्यांचे नाव पत्ता विचारले असता तो गाडीतुन उतरून पळुन गेला. तन्मय यास त्यांचे नाव विचारले असता त्यांचे नाव राहुल उघाडे (पुर्ण नाव माहित नाही असे सांगितले त्यांचेकडे चौकशी करीत असताना त्यांने उडवा- उडवीची उत्तरे देवू लागला. त्यामुळे आम्ही पोलीस स्टाफने त्याची व त्याच्या ताब्यात असलेल्या चारचाकी क्रेटा गाडीची झडती घेतली असता त्याचे गाडीच्या डिकीत एका खाकी बॉक्स मध्ये
मेफेनटर्माइन (MEPHENTERMINE) या इंजेक्शनाच्या ९० बॉटल मिळुन आल्या
तन्मय कल्याण बनकर वय २६ वर्ष रा.सहयोग सोसायटी समोर बारामती व राहुल उघाडे (पुर्ण नाव माहित नाही याचेवर गुन्हे प्रकटीकरण पथकातील पो कॉ जितेंद्र महादेव शिंदे यांनी बारामती शहर पोलीस स्टेशन येथे फिर्याद दिली असुन सदर आरोपी पैकी एका आरोपीस अटक करण्यात आली असुन दुसरा आरोपी राहुल उघाडे हा फरार आहे. सदर गुन्हयाचा पुढील तपास सपोनी भिंताडे हे करीत आहेत.
याबाबत अन्न व औषध विभागाचे औषध निरीक्षक सचिन शिवदास बुगड यांनी बारामती शहर पोलीस स्टेशन येथे भेट देवून सदर इंजेक्शनचा उपयोग हृदयविकाराचे आजारामध्ये केला जातो असे सांगितले. परंतू सध्या या इंजेक्शनचा उपयोग तरुण मुले व्यायाम करुन बॉडी बिल्डींगसाठी व व्यसन म्हणून करत असल्याचे सांगितले आहे.
तसेच या इंजेक्शनमुळे कायमस्वरुपी तंद्री लागणे, ब्लड प्रेशर जास्त राहणे, किडनी निकामी होणे असे दुष्परिणाम होत आहे.
अशा प्रकारे बेकायदेशिरपणे इंजेक्शन बाळगणाऱ्या इसमांबाबत माहिती मिळाल्यास तात्काळ पोलीस स्टेशनला कळविण्यात यावे असे बारामती शहर पोलीस ठाण्याचे पोलीस निरीक्षक विलास नाळे यांनी आवाहन केले आहे.
तसेच अशा प्रकारच्या शरीरास घातक असणारे इंजेक्शन घेवून स्वतः चे आरोग्याची तसेच शरीराचे अवयव कायमस्वरुपी निकामी करुन घेण्याऐवजी पारंपरिक व्यायाम करुन शरीरयष्टी कमविण्याकडे तरुणांनी भर द्यावा असेही पोलीस निरीक्षक विलास नाळे यांनी तरुणांना आवाहन केले आहे.
सदरची कारवाई मा. पोलीस अधिक्षक श्री. संदिप सिंग गिल साो. पुणे ग्रामीण, मा. अपर पोलीस अधिक्षक बारामती श्री. गणेश बिरादार साो., मा. उपविभागीय पोलीस अधिकारी बारामती विभाग बारामती श्री. सुदर्शन राठोड साो,पोलीस निरीक्षक श्री. विलास नाळे साो. यांचे मार्गदर्शनखाली सदरची कारवाई बारामती शहर पोलीस स्टेशनच्या गुन्हे प्रकटीकरण शाखेतील पोलीस उपनिरीक्षक सतिश राऊत, पोलीस उपनिरीक्षक रत्नदिप भंडारे, अमिर शेख, अभिजित कांबळे, रामचंद्र शिंदे, सुलतान डांगे, जितेंद्र शिंदे, अक्षय सिताप, सागर जामदार, दत्तात्रय मदने, अमोल देवकाते यांनी केली आहे.
