बारामती तालुका ग्रामीण पत्रकार संघाच्या नूतन कार्यकारिणीची निवड संपन्न! पत्रकार संघात नव्या रक्ताला संधी!  मोरगाव येथील बैठकीत पार पडल्या निवडी;  पहा पूर्ण कार्यकारिणी.

बारामती : बारामती तालुका ग्रामीण पत्रकार संघाची वार्षिक सर्वसाधारण बैठक मोरगाव येथील ‘निसर्ग संगीत पर्यटन केंद्र’ येथे उत्साहात पार पडली. या बैठकीत सन २०२६-२७ या वर्षासाठी नवीन कार्यकारिणीची घोषणा करण्यात आली असून, अध्यक्षपदी युवराज खोमणे तर कार्याध्यक्षपदी राजेश वाघ यांची सर्वानुमते निवड करण्यात आली आहे.

शुक्रवार, २७ मार्च २०२६ रोजी सायंकाळी ५:३० वाजता आयोजित या बैठकीच्या अध्यक्षस्थानी ज्येष्ठ पत्रकार दत्ता माळशिकारे होते. पत्रकार संघाचे ज्येष्ठ विधीज्ञ व कायदेशीर सल्लागार ॲड. गणेश आळंदीकर यांनी नवीन या निवडी जाहीर केल्या. 

यामध्ये खालील पदाधिकाऱ्यांच्या नियुक्त्या करण्यात आल्या

 * उपाध्यक्ष: कल्याण पाचांगणे व सुनील जाधव

 * सचिव: गजानन हगवणे

 * सहसचिव: चिंतामणी क्षीरसागर

 * खजिनदार: विजय गोलांडे

 * पत्रकार हल्ला विरोधी कृती समिती अध्यक्ष: महेश जगताप

 * सल्लागार: माणिकराव दांगडे पाटील, दत्ताजी माळशिकारे व जयराम सुपेकर (आप्पा)

याच कार्यक्रमात पत्रकार संघाच्या सदस्या सौ. संगीताताई भापकर (तरडोली) यांच्या कन्या कु.अबोली हनुमंतराव भापकर हिने चार्टर्ड अकाउंटंट (CA) परीक्षेत देदीप्यमान यश संपादन केल्याबद्दल पत्रकार संघाच्या वतीने तिचा विशेष सत्कार करण्यात आला. तिच्या या यशामुळे पत्रकार संघातून तिचे कौतुक होत आहे.

कार्यक्रमाच्या सुरुवातीला राज्याचे दिवंगत उपमुख्यमंत्री अजितदादा पवार यांना तसेच पत्रकार संघाचे सदस्य विजय मोरे यांच्या वडिलांना भावपूर्ण श्रद्धांजली अर्पण करण्यात आली. 

निवडीनंतर नूतन अध्यक्ष युवराज खोमणे यांनी आपले विचार व्यक्त करताना सांगितले की, “पत्रकारितेच्या माध्यमातून समाजातील सर्व घटकांना न्याय मिळवून देण्यासाठी आणि संघटन अधिक बळकट करण्यासाठी ज्येष्ठ सदस्यांच्या मार्गदर्शनाखाली प्रभावीपणे कार्य करणार आहे.”

या प्रसंगी माजी अध्यक्ष सोमनाथ भिले,सचिव,चिंतामणी क्षीरसागर,रामभाऊ जगताप, संतोष शेंडकर, दीपक जाधव, सौ.संगिता भापकर, विनोद पवार, गोरख जाधव, सचिन पवार, मनोहर तावरे, संतोष भोसले, हेमंत गडकरी, सुशीलकुमार अडागळे, विजय हिरवे, यांसह पत्रकार संघाचे इतर सदस्य मोठ्या संख्येने उपस्थित होते.

कार्यक्रमाचे नियोजन अत्यंत शिस्तबद्ध पद्धतीने करण्यात आले होते,

बैठकीदरम्यान पत्रकारितेपुढील आव्हाने आणि संघटनेची पुढील दिशा यावरही सविस्तर चर्चा करण्यात आली.