गुन्हेगारीब्रेकिंगमहाराष्ट्र
नगरपंचायत सार्वत्रिक निवडणूकीच्या अनुषंगाने माळेगांव पोलीसांचा रुट मार्च

0
3
1
8
0
8
बारामती : माळेगाव पोलीस ठाणे कार्यक्षेत्रातील माळेगांव बुद्रुक नगरपंचायत सार्वत्रिक निवडणूक 2025 अनुषंगाने निवडणूकी मध्ये नागरिकांनी निर्भीड आणि भयमुक्त वातावरणात मतदान करावे, तसेच संपूर्ण निवडणूक प्रकिया शांततेत पार पडावी,तसेच आचारसंहिता कालावधीत कोणताही अनुचित प्रकार घडू नये आणि कायदा व सुव्यवस्था अबाधित रहावी,

या करीता दिनांक 29/11/2025 रोजी सायंकाळी माळेगाव बु शहरातील हद्दीत निरा बारामती मार्गाने गोफणेवस्ती फाटा ते राजहंस चौक,साठे नगर चौक, माधवानंद थिएटर चौक ते दत्त चौक,श्रीमंत शंभूसिंह महाराज विद्यालय ,जामा मस्जिद, माळेगांव बुद्रुक नगरपंचायत,जुना बसस्टँड चौक,जिल्हा परिषद प्राथमिक शाळा क्रमांक 2 मुलींची व माळेगाव पोलीस ठाणे असा रूटमार्च घेण्यात आला.

या रूट मार्चमध्ये माळेगाव पोलीस ठाण्याचे प्रभारी अधिकारी श्री.सचिन लोखंडे यांच्या मार्गदर्शनाखाली ठाण्यातील चार पोलीस अधिकारी, सत्तावीस अंमलदार अधिकारी व तेरा होमगार्ड सहभागी झाले होते.
“आचारसंहिता कालावधीत कोणीही,कोणताही अनुचित प्रकार घडू नये याची काळजी घ्यावी तसेच कायदा व सुव्यवस्था अबाधित राखावी,नागरिकांनी निर्भीडपणे व भयमुक्त वातावरणात मतदान करावे आणि संपूर्ण निवडणूक प्रकिया शांततेत पार पाडण्यासाठी सहकार्य करावे,”
श्री.सचिन लोखंडे,
सहायक पोलीस निरीक्षक
माळेगांव पोलीस ठाणे







