गुन्हेगारीब्रेकिंगमहाराष्ट्र
सासवड पोलिसांची मोठी कारवाई, २१ लाख ७० हजार रुपयांचा गुटखा जप्त
0
7
4
6
2
5
पुणे: सासवड पोलीस स्टेशनच्या हद्दीत बेकायदेशीररित्या साठवून ठेवलेल्या प्रतिबंधित गुटखा आणि पान मसाल्यावर सासवड पोलिसांनी मोठी कारवाई केली आहे. या कारवाईत पोलिसांनी तब्बल २१ लाख ७० हजार ९६० रुपये किमतीचा मुद्देमाल जप्त केला असून, याप्रकरणी एका आरोपीवर गुन्हा दाखल करण्यात आला आहे.
मिळालेल्या माहितीनुसार, २५ जून २०२६ रोजी दुपारी साडेएकच्या सुमारास सासवड पोलिसांना गुप्त बातमीदारामार्फत माहिती मिळाली होती की, मौजे बोपगाव (ता. पुरंदर) गावच्या हद्दीत कानिफनाथ गडाकडे जाणाऱ्या रस्त्यावरील एका गोदामामध्ये महाराष्ट्र शासनाने व अन्न व औषध प्रशासनाने प्रतिबंधित केलेल्या गुटखा, पान मसाला आणि सुगंधी तंबाखूचा मोठा साठा करण्यात आला आहे. या माहितीच्या आधारे वरिष्ठ अधिकाऱ्यांच्या आदेशानुसार सासवड पोलिसांच्या पथकाने संबंधित गोदामावर छापा टाकला.
या छाप्यात पोलिसांना गोदामामध्ये ‘सिग्निचर फिनेस्ट पान मसाला’, ‘ॲक्शन ७ कंपनीचा सुगंधी तंबाखू’, ‘आर. के कंपनीचा सम्राट पान मसाला’, आणि ‘आर.के कंपनीचा एस.टी-१ कंपनीचा सुगंधी तंबाखू’ असा एकूण २१,७०,९६० रुपयांचा बेकायदेशीर मुद्देमाल आढळून आला. पोलिसांनी हा सर्व मुद्देमाल जप्त केला आहे.
