“आई पर्यटन योजनेअंतर्गत”शिवसेना पुणे जिल्हा प्रमुखांच्या प्रयत्नातून उपमुख्यमंत्री अजित पवार यांच्या हस्ते चारचाकी वाहनाचे हस्तांतरण 

बारामती: ‘आई पर्यटन योजना’ ही महाराष्ट्र शासनाची महिला केंद्रित पर्यटन धोरण आहे, ज्याचा उद्देश महिलांना पर्यटन क्षेत्रात व्यावसायिक संधी निर्माण करणे आणि सुरक्षित पर्यटनाला प्रोत्साहन देणे आहे. या योजनेअंतर्गत, पर्यटन व्यवसायासाठी महिलांना १५ लाखांपर्यंत बिनव्याजी कर्ज उपलब्ध आहे आणि शासनाकडून व्याजाची परतफेड केली जाते. यासाठी महाराष्ट्र पर्यटन विभागाच्या अधिकृत संकेतस्थळावर किंवा जिल्हा पर्यटन कार्यालयात अर्ज करता येतो. 

या योजनेची मुख्य वैशिष्ट्ये

उद्दिष्ट: पर्यटन क्षेत्रात महिलांचे सक्षमीकरण करणे, रोजगाराच्या संधी निर्माण करणे आणि सुरक्षित पर्यटनाला प्रोत्साहन देणे.

या पर्यटन व्यवसायासाठी १५ लाखांपर्यंत बिनव्याजी कर्ज दिले जाते.

या साठी शासकीय अनुदान शासनाकडून व्याजाची भरपाई केली जाते (जसे की ४.५० लाखांपर्यंत व्याज शासन भरते).

पात्रता: केवळ महिला अर्ज करू शकतात आणि त्यांचा व्यवसाय पर्यटन क्षेत्राशी संबंधित असावा.

व्यवसायाचे स्वरूप: होमस्टे, गाइडिंग, ट्रॅव्हल एजन्सी आणि पर्यटन सेवा यांसारख्या ४१ प्रकारच्या पर्यटन संबंधित व्यवसायांसाठी ही योजना आहे. 

याच योजनेतून काटेवाडी ता.बारामती येथे महायुती सरकारचे उपमुख्यमंत्री अजितदादा पवार यांच्या निवासस्थानी शिवसेनेच्या वतीने मा.उपमुख्यमंत्री एकनाथजी शिंदे यांच्या सूचनेनुसार राबविलेल्या आई पर्यटन योजनेअंतर्गत चारचाकी वाहनाचे कांबळेश्वर ता. बारामती येथील लाभार्थी सौ.निलम भैया शिंदे यांना चारचाकी वाहनाचे हस्तांतरण करण्यात आले.

शासकीय योजनेचा लाभ सर्वसामान्य कुटुंबास मिळवून दिल्याबद्दल अजित पवार यांनी समाधान व्यक्त केले.

“माझ्यासह या योजनेचा लाभ मिळवून देण्यासाठी प्रयत्न केलेल्या माझ्या सर्व सहकाऱ्यांचे राज्याचे उपमुख्यमंत्री अजित पवार यांनी कौतुक केले यामुळे आमचा उस्ताह द्विगुणीत झाला असल्याची भावना श्री.सुरेंद्र जेवरे,शिवसेना जिल्हाप्रमुख यांनी व्यक्त केले.”

वरील योजनेचा जास्तीत जास्त महिला भगिनींनी लाभ घ्यावा असे आवाहनही यावेळी श्री सुरेंद्र जेवरे यांनी केले.