दौंड-पाटस येथील उमाजीराजे नाईक यांच्या फलकाची विटंबना; जय मल्हार क्रांती संघटनेचा आंदोलनाचा इशारा

बारामती: दौंड तालुक्यातील पाटस येथे आद्यक्रांतिवीर राजे उमाजी नाईक यांच्या नावाच्या फलकाची अज्ञात समाजकंटकांनी तोडफोड केल्याची संतापजनक घटना घडली आहे. या घटनेचा निषेध करत, दोषींवर तात्काळ कडक कारवाई करण्यात यावी या मागणीसाठी ‘जय मल्हार क्रांती संघटने’च्या वतीने पोलीस प्रशासनाला लेखी निवेदन देण्यात आले.

जय मल्हार क्रांती संघटनेचे राष्ट्रीय अध्यक्ष दौलत नाना शितोळे यांच्या आदेशानुसार आणि पुणे जिल्हा अध्यक्ष नानासाहेब मदने यांच्या नेतृत्वाखाली हे निवेदन बारामती येथील पोलीस उपमुख्यालय (बऱ्हाणपूर) येथे देण्यात आले. यावेळी कर्तव्यदक्षक मा. अतिरिक्त पोलीस अधीक्षक गणेश बिराजदार साहेब यांच्या अनुपस्थितीत, अतिरिक्त कार्यभार स्वीकारलेले मा. रमेश चोपडे साहेब (अप्पर पोलीस अधीक्षक, पुणे) यांनी हे निवेदन स्वीकारले.

निवेदनात म्हटले आहे की, आद्यक्रांतिवीर उमाजीराजे नाईक हे देशाच्या स्वातंत्र्य संग्रामातील थोर योद्धा असून त्यांच्या फलकाची विटंबना करणे हा गंभीर गुन्हा आहे. या घटनेमुळे रामोशी समाजाच्या भावना दुखावल्या असून कार्यकर्त्यांमध्ये तीव्र संताप आहे. संबंधित अज्ञात आरोपींचा तातडीने शोध घेऊन त्यांना अटक करावी, अन्यथा संपूर्ण राज्यात तीव्र स्वरूपाचे आंदोलन छेडले जाईल, असा इशारा जिल्हाध्यक्ष नानासाहेब मदने यांनी यावेळी दिला. तसेच, भविष्यात अशा घटना टाळण्यासाठी फलक परिसरात पोलीस गस्त वाढवण्याची मागणीही करण्यात आली आहे.

यावेळी संघटनेचे पदाधिकारी आणि कार्यकर्ते मोठ्या संख्येने उपस्थित होते, त्यामध्ये प्रामुख्याने,

 * महेंद्र भंडलकर (तालुका अध्यक्ष,बारामती)

 * किसनराव बोडरे

 * अनिलराव मदने (सचिव)

 * चांगदेव भंडलकर

 * सौ. उर्मिलाताई भंडलकर

 * विजय शिरतोडे सर

 * नंदकुमार मदने, योगेश मदने, नरेश खोमणे, विजय भंडलकर, सोनू साळकर, प्रकाश खोमणे, पांडुरंग ढवळे व इतर समाजबांधव उपस्थित होते.

या प्रकरणाचा तातडीने तपास करून कायदेशीर कारवाई करण्याचे आश्वासन पोलीस प्रशासनाकडून देण्यात आले आहे.