गोजुबावी येथे लहुजी शक्ती सेनेच्या वतीने अण्णाभाऊ साठे जयंतीनिमित्त शैक्षणिक साहित्य वाटप

गोजुबावी/बारामती : साहित्यरत्न लोकशाहीर अण्णाभाऊ साठे यांच्या १०६ व्या जयंतीनिमित्त गोजुबावी येथे लहुजी शक्ती सेनेच्या वतीने विविध सामाजिक आणि शैक्षणिक उपक्रमांचे आयोजन करण्यात आले होते. या कार्यक्रमांतर्गत शालेय विद्यार्थ्यांना साहित्य वाटप आणि प्रतिमा पूजन सोहळा अत्यंत उत्साहात पार पडला.

या प्रसंगी गोजुबावी येथील ग्रामपंचायत कार्यालय, अंगणवाडी तसेच मराठी प्राथमिक शाळेतील विद्यार्थ्यांना वह्या, पेन, पेन्सिल, खोडरबर इत्यादी उपयुक्त शैक्षणिक साहित्याचे वाटप करण्यात आले.

याचबरोबर ग्रामपंचायत कार्यालयामध्ये साहित्यरत्न अण्णाभाऊ साठे यांच्या प्रतिमेचे पूजन करण्यात आले व त्यांच्या पावन स्मृतीस सर्वांच्या वतीने विनम्र अभिवादन करण्यात आले.
या कार्यक्रमासाठी गोजुबावीच्या सरपंच/प्रशासक प्रतीक्षा सचिन भोसले, प्रमोद अण्णा खराडे, लहुजी शक्ती सेनेचे पूर्व तालुका अध्यक्ष रामभाऊ भिसे, बारामती तालुका युवक सचिव अमोल भिसे प्रामुख्याने उपस्थित होते.
तसेच या वेळी राहुल भिसे, विशाल भोसले, सुभाष भिसे, आप्पासाहेब भिसे, सोनल आटोळे, नवनाथ थोरात, विजय भिसे, दादासाहेब आटोळे, नंदकिशोर भिसे, बबलू भिसे, अतुल बगाडे, अनिल भिसे, शेखर भिसे, विशाल भिसे, विलास पवार, दिपक आवळे, दिपक कुचेकर यांच्यासह इतर अनेक शिक्षक, शिक्षिका, ग्रामस्थ आणि मान्यवर मोठ्या संख्येने उपस्थित होते.
या संपूर्ण सामाजिक उपक्रमाचे यशस्वी आयोजन लहुजी शक्ती सेना गोजुबावी यांच्या वतीने करण्यात आले.