मु. सा. काकडे महाविद्यालयाचे प्रा. पोपट जाधव यांना पीएच.डी. पदवी प्रदान

​सोमेश्वरनगर: येथील मु. सा. काकडे महाविद्यालयातील प्रा. जाधव पोपट यशवंत यांना सावित्रीबाई फुले पुणे विद्यापीठाने (SPPU) नुकतीच पीएच.डी. (विद्यावाचस्पती) पदवी प्रदान केली आहे. त्यांच्या या महत्त्वपूर्ण शैक्षणिक यशाबद्दल सर्व स्तरातून त्यांचे कौतुक होत आहे.

​प्रा. जाधव यांनी हिंदी साहित्यामध्ये संशोधन करताना “समकालीन हिंदी उपन्यासों चित्रित मुंबई परिवेश” या विषयावर आपला सखोल शोध प्रबंध विद्यापीठास सादर केला होता. या विशेष संशोधन कार्यासाठी त्यांना सावित्रीबाई फुले पुणे विद्यापीठाच्या हिंदी विभागाचे अध्यक्ष प्रो. डॉ. सदानंद भोसले यांचे बहुमोल मार्गदर्शन लाभले.

​प्रा. जाधव पोपट यशवंत यांनी मिळवलेल्या या घवघवीत यशाबद्दल मु. सा. काकडे महाविद्यालय व्यवस्थापन समितीचे अध्यक्ष मा. सतीशभैय्या काकडे-देशमुख, महाविद्यालयाचे प्राचार्य डॉ. देविदास वायदंडे, महाविद्यालय विकास समितीचे अध्यक्ष अभिजितभैय्या काकडे-देशमुख, व्यवस्थापन समितीचे सचिव सतीश लकडे, तसेच महाविद्यालयातील सर्व सहकारी प्राध्यापक आणि शिक्षकेतर कर्मचारी यांनी त्यांचे पुष्पगुच्छ देऊन विशेष अभिनंदन केले व पुढील वाटचालीसाठी मनःपूर्वक शुभेच्छा दिल्या आहेत.