अपघातब्रेकिंगमहाराष्ट्र
दारूच्या नशेत भरधाव दुचाकी चालविणाऱ्याला बारामती न्यायालयाकडून १० हजार ५०० रुपयांचा दंड; बारामती शहर पोलिसांच्या पाठपुराव्याला यश
0
8
4
4
2
4
बारामती: दारूच्या नशेत भरधाव आणि निष्काळजीपणे दुचाकी चालवून नागरिकांच्या जीवितास धोका निर्माण करणाऱ्या एका चालकास बारामती न्यायालयाने दोषी ठरवत एकूण १०,५०० रुपयांच्या दंडाची शिक्षा सुनावली आहे. दंड न भरल्यास साध्या कैदेची तरतूदही न्यायालयाने आदेशात नमूद केली आहे. बारामती शहर पोलिसांनी सादर केलेले भक्कम पुरावे आणि प्रभावी न्यायालयीन पाठपुराव्यामुळे ही शिक्षा सुनावण्यात आली.
बारामती शहर पोलीस ठाण्यात दाखल गु.र.नं. ६५३/२०२३ नुसार, आरोपी सुनील हिरा सरक (वय ४८ वर्षे, रा. डोंबाळवाडी, ता. फलटण, जि. सातारा) हा त्याच्या ताब्यातील टीव्हीएस स्टार सिटी मोटारसायकल (क्र. MH-11-BG-3193) दारूच्या अंमलाखाली, वेडीवाकडी, हयगयीने आणि रहदारीच्या नियमांकडे दुर्लक्ष करून चालवत असल्याचे पोलिसांच्या निदर्शनास आले होते. पोलिसांनी तात्काळ कारवाई करत त्याची वैद्यकीय तपासणी केली असता, तो दारूच्या नशेत असल्याचे निष्पन्न झाले. त्यानंतर पोलिसांनी भा.दं.वि. कलम २७९ आणि मोटार वाहन कायदा कलम १८५ अन्वये गुन्हा नोंदवून न्यायालयात दोषारोपपत्र दाखल केले.
सदर प्रकरणाची सुनावणी प्रथमवर्ग न्यायदंडाधिकारी मा. टी. डी. इंगवले यांच्या न्यायालयात पार पडली. उपलब्ध पुरावे आणि वैद्यकीय कागदपत्रे ग्राह्य धरून न्यायालयाने आरोपीला खालीलप्रमाणे शिक्षा सुनावली,
-
भा.दं.वि. कलम २७९: ५०० रुपये दंड (दंड न भरल्यास १५ दिवस साधी कैद).
-
मोटार वाहन कायदा कलम १८५: १०,००० रुपये दंड (दंड न भरल्यास १५ दिवस साधी कैद).
