गुन्हेगारीब्रेकिंगमहाराष्ट्रसकारात्मक बातमी
गुन्हेगारांना आता पळता भुई थोडी! बारामती ग्रामीण पोलिसांची एमआयडीसी परिसरात ‘डिजिटल’ नजर
लोकसहभागातून बारामती एमआयडीसी होणार सुरक्षित; ५७ सीसीटीव्ही कॅमेऱ्यांचे जाळे सज्ज, पोलीस आणि उद्योजकांचा स्तुत्य पुढाकार; ८.७० लाखांच्या निधीतून बारामती परिसरात सुरक्षेचे कवच
0
6
9
9
2
8
बारामती : नागरिकांच्या सुरक्षेला अधिक बळकटी देण्यासाठी बारामती ग्रामीण पोलीस स्टेशन आणि विविध कंपन्यांच्या संयुक्त विद्यमाने बारामती एमआयडीसी, तांदुळवाडी आणि काटेवाडी परिसरात सीसीटीव्ही कॅमेरे प्रणालीचा शुभारंभ करण्यात आला आहे. पोलीस निरीक्षक चंद्रशेखर यादव यांच्या संकल्पनेतून आणि स्थानिक उद्योजकांच्या सहकार्यातून ८ लाख ७० हजार रुपये खर्चाचे एकूण ५७ कॅमेरे बसवण्यात आले आहेत.
या उपक्रमामुळे एमआयडीसी परिसरातील गुन्हेगारीवर नियंत्रण ठेवण्यास, वाहतूक व्यवस्थापन सुधारण्यास आणि महिला व नागरिकांना सुरक्षित वातावरण मिळण्यास मोठी मदत होणार आहे. एमआयडीसीमधील प्रमुख चौक, औद्योगिक क्षेत्र आणि गर्दीच्या ठिकाणी हे कॅमेरे टप्प्याटप्प्याने कार्यान्वित केले जात आहेत.
या प्रकल्पासाठी बारामती कॅटल फीडचे अभिजित शिंदे, कृष्णा ताटे, तांदुळवाडीचे दिगंबर बेलदार आणि काटेवाडीचे उपसरपंच श्रीधर घुले यांनी मोठे आर्थिक योगदान दिले. या सर्व मान्यवरांचा पोलीस प्रशासनाच्या वतीने विशेष सन्मान करण्यात आला.
