अभिव्यक्तीआरोग्य व शिक्षणक्रिडा व मनोरंजनब्रेकिंगमहाराष्ट्रसकारात्मक बातमीसामाजिक
“एकता दिवस व Run for unity” मॅरेथॉनला उत्स्फूर्त प्रतिसाद वडगाव निंबाळकर पोलीस ठाण्याच्या वतीने मॅरेथॉन कार्यक्रमाचे आयोजन
0
3
1
8
0
8
बारामती : पुणे ग्रामीण पोलीसदलांतर्गत सरदार वल्लभभाई पटेल यांच्या 150 व्या जयंतीनिमित्त “राष्ट्रीय एकता दिवस” या अभियानांतर्गत “एकता दिवस व Run for unity” असा मॅरेथॉन कार्यक्रम दिनांक 31/10/2025 रोजी सकाळी 06/30 वाजता करंजेपुल चौक, सोमेश्वरनगर, ता.बारामती.वडगाव निंबाळकर पोलीस ठाण्याच्या वतीने मॅरेथॉन कार्यक्रमाचे आयोजन करण्यात आले होते.
या स्पर्धेमध्ये जास्तीत जास्त स्पर्धेकांनी सहभाग घेऊन उपस्थिती दर्शवावी असे आवाहन वडगाव निंबाळकर पोलीस ठाण्याचे प्रभारी अधिकारी,सहायक पोलीस निरीक्षक, श्री.नागनाथ पाटील यांनी केले होते या आव्हानाला प्रतिसाद देत शेकडो तरुण-तरुणी, मुली महिला, तसेच जेष्ठ नागरिक व पोलीस स्टेशन हद्दीतील ग्रामस्थ या कार्यक्रमासाठी उपस्थित होते.
या कार्यक्रमाचे अध्यक्ष वडगाव निंबाळकर पोलीस ठाण्याचे सहायक पोलीस निरीक्षक श्री.नागनाथ पाटील होते तर उपाध्यक्ष करंजेपुल पोलीस दुरक्षेत्र चे पोलीस उपनिरीक्षक श्री.राहुल साबळे हे होते.
या कार्यक्रमासाठी प्रमुख उपस्थितीतमा. श्री जगन्नाथ लकडे,जिल्हा क्रीडा अधिकारी, पुणे मा. रेखा धनगर मॅडम,शिवछत्रपती पुरस्कार विजेत्या आंतरराष्ट्रीय खेळाडू यांच्यासह या स्पर्धेसाठी आजी-माजी सैनिक संघटना बारामती / सोमेश्वरनगर तसेच परीसरातील पत्रकार बंधू,बारामती तालुका क्रीडा शिक्षक संघटना,साद -सवांद स्वछता ग्रुप वाणेवाडी विवेकानंद अभ्यासिका सोमेश्वरनगर,सोमेश्वर स्पोर्ट्स अकॅडमी,कृष्णाली अभ्यासिका सोमेश्वरनगर एम के फिटनेस क्लब सोमेश्वरनगर यांच्यासह विविधक्षेत्रातील मान्यवर आणि सरपंच आणि पोलीस दलातील सर्व अधिकारी कर्मचारी या वेळी उपस्थित होते.
मान्यवरांच्या हस्ते स्पर्धेला हिरवा झेंडा दाखवून सुरुवात करण्यात आली.
स्पर्धेचा निकाल या प्रमाणे
5 की.मी खुला गट मुले
प्रथम क्रमांक :-सुजल सावंत
द्वितीय क्रमांक :- संतोष जाधव
तृतीय क्रमांक:- विजय गुलदगड
2 की.मी मुली
प्रथम क्रमांक :-वनिता ठोंबरे
द्वितीय क्रमांक :- सिद्धी शिंदे
तृतीय क्रमांक:- श्रुती गायकवाड
2 की.मी प्रौढ गट पुरुष
प्रथम क्रमांक :-रवींद्र कोरडे
द्वितीय क्रमांक :- जितेंद्र सकुंडे
2 की.मी महिला
प्रथम क्रमांक :-मयुरी गायकवाड
द्वितीय क्रमांक :- रेखा मोटे
या व्यतिरिक्त सर्व सहभागी स्पर्धकांना बक्षीसपत्र व मेडल देण्यात आली. यावेळी बिग बॉस फेम सुरज चव्हाण याचीही विशेष उपस्थिती होती.
मॅरेथॉन स्पर्धा पार पडल्यानंतर बक्षीस वितरण करण्यात आले उपस्थित सर्व बक्षीस पात्र तसेच सर्व सहभागी स्पर्धकांना नाष्टा व पाण्याची सोय करण्यात आली होती.
हि स्पर्धा पार पाडण्याकरिता विविध संघटना,संस्था नागरीक, पत्रकार, अशा सर्वांचे वडगाव निंबाळकर पोलीस ठाण्याचे सहाय्यक पोलीस निरीक्षक,श्री. नागनाथ पाटील यांनी आभार मानले.
