🛑 करंजे पूल येथे कौटुंबिक वादातून दोन गटात तुफान हाणामारी; १३ जणांवर गुन्हे दाखल, ८ जण गजाआड

वडगाव निंबाळकर : कौटुंबिक वाद मिटवण्यासाठी एकत्र जमलेल्या दोन गटात चर्चा न होता तुंबळ हाणामारी झाल्याची घटना वडगाव निंबाळकर पोलीस ठाण्याच्या हद्दीतील करंजे पूल बस स्टॅन्ड येथे घडली आहे. या हाणामारीत काचेच्या बाटल्या, लाकडी दांडके आणि लाथाबुक्क्यांचा वापर करण्यात आला असून, परस्परविरोधी फिर्यादीवरून एकूण १३ जणांवर गुन्हे दाखल करण्यात आले आहेत. पोलिसांनी तात्काळ कारवाई करत यातील ८ जणांना बेड्या ठोकल्या असून त्यांची रवानगी न्यायालयीन कोठडीत करण्यात आली आहे.

मिळालेल्या माहितीनुसार, करंजे पूल (ता. बारामती) येथील बस स्टॅन्ड परिसरात फिर्यादी आणि त्यांचे नातेवाईक कौटुंबिक वाद आपसात मिटवण्यासाठी जमले होते. मात्र, यावेळी आरोपी आणि त्यांच्या साथीदारांनी बेकायदेशीर जमाव जमवून फिर्यादीस शिवीगाळ करत मारहाण करण्यास सुरुवात केली. यावेळी काचेच्या बाटल्या आणि लाकडी दांडक्यांनी जबर मारहाण करण्यात आली. या घटनेत एक तरुण गंभीर जखमी झाला असून त्याच्यावर खाजगी रुग्णालयात उपचार सुरू आहेत.

याप्रकरणी वडगाव निंबाळकर पोलीस ठाण्यात भारतीय न्याय संहिता (BNS) अन्वये परस्परविरोधी दोन गुन्हे दाखल करण्यात आले आहेत.

गुन्हा नं. १ मध्ये ऋषिकेश सुरेश शिंदे (रा. करंजे पूल, ता. बारामती) यांनी फिर्याद दिली आहे. ते स्वतः या हल्ल्यात गंभीर जखमी झाले असून सध्या सान्वी हॉस्पिटल, करंजे पूल येथे उपचार घेत आहेत.

आरोपींची नावे खालील प्रमाणे:

   १. सखाराम अहिरे

   २. गणेश अहिरे

   ३. महेश अहिरे (सर्व रा. नसरापूर, ता. वेल्हा, जि. पुणे)

   ४. स्नेहल सुरेश जगताप (रा. निंबुत, ता. बारामती)

   ५. सागर बाळू साळुंखे (रा. मानाजी नगर, पुणे)

   ६. संकेत सतीश सोनटक्के (रा. मानाजी नगर, पुणे)

   ७. साहिल भरत सावंत (रा. सिंहगड रोड, पुणे)

   ८. संदीप लक्ष्मण लगस (रा. सिंहगड रोड, पुणे)

दाखल कलमे: BNS कलम ११८(२), ११८(१), ११५(२), १८९(२), १९१(२), १९१(३), १९०.

गुन्हा नं. २ मध्ये 

दुसऱ्या बाजूने स्नेहल सुरेश जगताप (रा. निंबुत, ता. बारामती) यांनी फिर्याद दिली आहे.

 * आरोपींची नावे:

   १. संकेत सुरेश शिंदे

   २. ऋषिकेश सुरेश शिंदे

   ३. निकिता गणेश अहिरे

   ४. रत्ना सुरेश शिंदे

   ५. अश्विनी संकेत शिंदे 

(सर्व रा. करंजे पूल, ता. बारामती)

दाखल कलमे: BNS कलम ११८(१), ११५, १८९(२), १९१(२), ९०, ३५१, ३५२.

या गंभीर गुन्ह्याची दखल घेत वडगाव निंबाळकर पोलिसांनी ८ आरोपींवर अटकेची कारवाई केली आहे. या गुन्ह्याचा पुढील तपास वडगाव निंबाळकर पोलीस ठाण्याचे प्रभारी अधिकारी नागनाथ पाटील यांच्या मार्गदर्शनाखाली पोलीस उपनिरीक्षक राहुल साबळे हे करत आहेत.

 पोलिसांचे आवाहन

“कोणीही बेकायदेशीर जमाव जमवून कायदा व सुव्यवस्थेचा प्रश्न निर्माण करण्याचा प्रयत्न केल्यास त्यांच्यावर कठोर कारवाई करण्यात येईल,” असा सक्त इशारा वडगाव निंबाळकर पोलिसांनी दिला आहे.