पोटच्या लहान मुलाचा खून करून गुन्हा लपवणाऱ्यांना १२ तासात अटक, वडगाव निंबाळकर पोलीसांची धडाकेबाज कामगिरी

बारामती: वडगांव निंबाळकर पोलीस स्टेशन हद्‌दीतील  होळ ता. बारामती जि. पुणे येथील, ९ वर्षाचा पियुष विजय भंडलकर यास त्याच्या नातेवाईक व वडील विजय गणेश भंडलकर, आज्जी शालन गणेश भंडलकर, व चुलत चुलते संतोष भंडलकर यांनी तो चक्कर येवुन पडल्याने मयत झाल्याचा बनाव करून त्याला अगोदर वडगाव निंबाळकर येथील खाजगी दवाखान्यात घेवुन गेले, तेथील डॉक्टरांनी त्याला बारामती येथे घेऊन जाण्यास सांगुनही त्याच्या नातेवाईक यांनी त्याला निरा येथील खाजगी हॉस्पीटलला घेऊन गेले, व तेथील डॉक्टरांनीही पियुष यास तपासुन त्याचा मृत्यु झाला असल्याचे सांगुन त्यांना होळ येथील सरकारी दवाखान्यात घेऊन जाण्यास सांगीतले असताना हि त्याच्या  नातेवाईकांनी पियुष यास अंत्याविधी करीता होळ येथे घरी घेवुन जाऊन त्यानंतर गावातील लोकांना तो चक्कर येऊन पडुन मयत झाला आहे,असा खोटा बनाव करून नातेवाईकांना बोलावुन अंत्याविधी करण्यासाठी घाई करत स्मशान भुमी होळ येथे घेऊन गेले.परंतु वडगाव निंबाळकर पोलीस स्टेशनचे प्रभारी अधिकारी सहाय्यक पोलीस निरीक्षक सचिन काळे यांना मिळालेल्या गोपनीय माहितीनुसार त्यांनी लागलीच वरिष्ठ पोलीस अधिकारी मा. पोलीस अधिक्षक श्री. पंकज देशमुख सो. मा.अप्पर पोलीस अधिक्षक बारामती श्री. गणेश बिरादार व मा.डी.वाय.एस.पी. बारामती श्री सुदर्शन राठोड यांना कळवुन त्यांचे मार्गदर्शना खाली पोलीस उपनिरीक्षक राहुल साबळे व पोलीस हवालदार महेश पन्हाळे, हृदयनाथ देवकर, पोपट नाळे, सागर चौधरी, नागनाथ परगे, निलेश जाधव यांना सदर ठिकाणी जाऊन घडलेला प्रकार काय आहे त्याची चौकशी करून पियुष याचे मॄत शरीराचा पंचनामा करून डॉक्टरांकडून पोस्टमार्टम करण्याच्या सुचना दिल्या.

त्यावेळी क्षणाचाही विलंब न करता पोलीस उपनिरीक्षक राहुल साबळे व पोलीस हवालदार महेश पन्हाळे, हृदयनाथ देवकर, पोपट नाळे, सागर चौधरी, नागनाथ परगे, निलेश जाधव हे होळ येथील स्मशानभुमीत गेले असता तेथे पियुषच्या अंत्यविधीची संपुर्ण तयारी झाली होती. तेव्हा तेथे उपस्थित नातेवाईक व काही गावकरी यांनी पियुष याचे मॄत शरीर हालवण्यास नकार दिला काही काळ त्यांना शांत करून परिस्थितीचे गांभीर्य समजावुन सांगण्यात उपस्थित पोलीसांनी आपले संपूर्ण कौशल्य पणाला लाऊन संयमाने व चातुर्याने मयत पियुष याचे मृत शरीर ताब्यात घेतले व सोबत काही त्याचे जवळचे नातेवाईक घेऊन सिल्व्हर ज्युबिली हॉस्पीटल बारामती येथे नेले. तेथील वैद्यकीय अधिकारी यांचेकडुन पोस्टमार्टम केले असता डॉक्टरांनी पियुष याच्या गळ्यावर दाब दिल्याने त्याचा मृत्यू झालेबाबत स्पष्ट लेखी अभिप्राय दिल्याने या अभिप्रायाबाबत गोपनीयता ठेऊन कायदा व सुव्यवस्थेच्या दृष्टीकोनाने पियुष याचे मृत शरीर त्याच्या नातेवाईकांच्या ताब्यात अंत्यविधी करण्यासाठी रितसर दिले,

त्यानंतर अंत्यविधी पार पडु दिला व सर्वजण आपापले घरी निघुन गेले नंतर एक एक संशयीत ताब्यात घेवुन पुढील तपास सुरू करून वडगाव निंबाळकर पोलीस स्टेशनचे सहाय्यक पोलीस निरीक्षक सचिन काळे यांनी त्यांच्या कर्मचाऱ्यासह सखोल तपास केला असता मयत पियुष यास त्याचे वडील विजय गणेश भंडलकर यांनी तु अभ्यास करत नाही, सारखा बाहेर खेळत असतोस. तु तुझे आईचे वळणावर जाऊन माझी इज्जत घालवणार असे म्हणत पियुष यास भिंतीवर आपटुन त्याचा गळा दाबुन खुन केला.

त्यावेळी पियुष याची आज्जी शालन गणेश भंडलकर यांना झाले प्रकाराबाबत माहीती असतानाही मुलगा विजय गणेश भंडलकर याचे सांगण्यावरून पियुष हा चक्कर येवून पडला आहे अशी खोटी माहीती गावातील लोकांना व डॉक्टरांनाही दिली व संतोष भंडलकर याने देखील त्याला सर्व घडल्या प्रकाराबाबत माहीती असतानाही त्याने देखील विजय गणेश भंडलकर याचे सांगण्यावरून निरा येथील डॉक्टरांना चक्कर येऊन पडल्याचे सांगुन त्या तिघांनाही खाजगी डॉक्टरांनी मयत पियुष यास होळ येथील सरकारी दवाखान्यात घेऊन जाण्याबाबत सांगीतले असताना देखील,पियुष याचे वडील विजय गणेश भंडलकर, आज्जी शालन गणेश भंडलकर व चुलत चुलते संतोष भंडलकर यांनी संगनमताने जाणीवपुर्वक विजय भंडलकर याने पियुष यास भिंतीवर आपटून गळा दाबून खुन केला ही माहीती कोणालाही कळता कामा नये व त्याचा पुरावा राहता कामा नये यासाठी पियुष याचे मृत शरीर होळ येथील सरकारी दवाखान्यात घेवुन न जाता होळ येथे घेऊन नजाता त्याच्या मृत्यु बाबत कोणालाही खबर न देता नातेवाईकांना बोलावुन घेऊन त्याचा मृत्युचा पुरावा नष्ट करण्याच्या उद्‌द्देशाने पोस्टमार्टम न करता त्याचा अंत्यविधीची तयारी केली होती.

वरिल सर्व प्रकार पोलीस तपासात उघड झाल्याने त्याबाबत वडगाव निंबाळकर पोलीस स्टेशन येथे गुन्हा रजि. नंबर २९/२०२५ भारतीय न्याय संहिता कायदा २०२३ वे कलम १०३(१), २३८,३(५), प्रमाणे दिनांक १५/०१/२०२५ रोजी गुन्हा दाखल करून ९ वर्षाचा मयत मुलगा  पियुष विजय भंडलकर याचे वडील विजय गणेश भंडलकर, आज्जी शालन गणेश भंडलकर, व चुलत चुलते संतोष भंडलकर सर्व रा. होळ ता. बारामती जि. पुणे यांना सदर गुन्ह्याच्या तपास कामी अटक केली.

पुढील अधिकचा तपास वडगाव निंबाळकर पोलीस स्टेशनचे सहाय्यक पोलीस निरीक्षक सचिन काळे यांच्या मार्गदर्शनाखाली पोलीस उपनिरीक्षक श्री.राहुल साबळे हे करीत आहेत.

सदरची कामगिरी ही मा.श्री. पंकज देशमुख सो, पोलीस अधीक्षक, पुणे प्रामीण, मा.श्री. गणेश बिरादार सो. अपर पोलीस अधीक्षक, बारामती विभाग, मा. श्री. सुदर्शन राठोड सो. उपविभागीय पोलीस अधिकारी, बारामती उपविभाग, मा.श्री. अविनाश शिळीमकर पोलीस निरीक्षक, स्थानिक गुन्हे शाखा, यांचे मार्गदर्शनाखाली वडगाव निंबाळकर पोलीस स्टेशन चे प्रभारी अधिकारी सहा. पोलीस निरीक्षक श्री. सचिन काळे, पोलीस उपनिरीक्षक राहुल साबळे, सा. फौ. बाळासाहेब कारंडे स्था.गु.शा, पोलीस हवालदार अनिल खेडकर, सागर देशमाने, महेश पन्हाळे, सुर्यकांत कुलकर्णी, भाऊसो मारकड, हृदयनाथ देवकर, पोपट नाळे, सागर चौधरी, तौफीक मणेरी, नागनाथ परगे, विलास ओमासे, धनंजय भोसले, भानुदास सरक, विकास येटाले, निलेश जाधव, महीला पोलीस अंमलदार प्राजक्ता जगताप, रजनी कांबळे, प्रियंका झणझणे यांनी केली आहे.

पोलिसांनी केलेल्या चाणाक्ष कामगिरीबाबत परिसरातून समाधान व्यक्त करण्यात येत आहे.