सोमेश्वर साखर कारखाना निवडणूक: पहिल्या चार तासांत मतदारांचा उत्स्फूर्त प्रतिसाद; दुपारी १२ वाजेपर्यंत २७.९९ टक्के मतदान

सोमेश्वरनगर: श्री. सोमेश्वर सहकारी साखर कारखाना लि., सोमेश्वरनगर (ता. बारामती, जि. पुणे) संचालक मंडळ निवडणूक २०२६-२७ ते २०३१-३२ साठी आज सकाळपासून शांततेत व चुरशीने मतदानाला सुरुवात झाली आहे. सकाळी ८:०० वाजल्यापासून सुरू झालेल्या या मतदान प्रक्रियेत दुपारी १२:०० वाजेपर्यंत एकूण २७.९९ टक्के मतदान नोंदवले गेले आहे.

कारखान्याच्या कार्यक्षेत्रातील बारामती, पुरंदर, फलटण आणि खंडाळा या चारही तालुक्यांमधील ९३ मतदान केंद्रांवर सभासद मतदारांमध्ये चांगला उत्साह पाहायला मिळत आहे.

मतदानाची ठळक आकडेवारी (दुपारी १२:०० वाजेपर्यंत):

• एकूण मतदार संख्या: २७,७६७

• सकाळी ८ ते १० वाजेपर्यंत झालेले मतदान: ३,४०५ मते (स्त्री: २७०, पुरुष: २,६०५)

• दुपारी १२ वाजेपर्यंत झालेले एकूण मतदान: ७,७७३ मते

• स्त्री मतदार: ८५१

• पुरुष मतदार: ६,१०३

• दुपारी १२ वाजेपर्यंत मतदानाची एकूण टक्केवारी: २७.९९ टक्के

केंद्रांनुसार मतदानाचा कल:

• सर्वाधिक मतदान: मोरगाव येथील केंद्र क्र. ४६ वर सर्वाधिक ४३.६० टक्के आणि केंद्र क्र. ४५ वर ४३.०८ टक्के मतदानाची नोंद झाली आहे. त्यापाठोपाठ पिसर्वे (३८.९७ टक्के), बारामती केंद्र क्र. ४४ (३८.७६ टक्के) आणि लोणीभापकर (३८.८६ टक्के) येथेही मतदानाचा टक्का चांगला राहिला आहे.

• कमी मतदान: मुरुम (केंद्र क्र. २५) येथे १२.०१ टक्के, वाल्हे (केंद्र क्र. ३३) येथे १२.६६ टक्के आणि सुपे (केंद्र क्र. ६६) येथे १२.७७ टक्के इतके संथ मतदान नोंदवले गेले आहे.

सकाळच्या सत्रात १० वाजेपर्यंत मतदानाचा वेग संथ होता, मात्र १० नंतर सर्वच केंद्रांवर रांगा वाढल्याचे चित्र दिसले. दुपारनंतर मतदानाचा टक्का आणखी वाढण्याची शक्यता वर्तवली जात आहे.