ब्रेकिंगमहाराष्ट्र
बारामती परिवहन कार्यालयाची कोटीत उड्डाणे, 22 महिन्यात 11 कोटी महसूल जमा.
पसंती क्रमांकाद्वारे ११ कोटी रुपयाहून अधिक महसूल जमा-उप प्रादेशिक परिवहन अधिकारी
0
3
1
8
0
8
बारामती, दि. ६: उपप्रादेशिक परिवहन कार्यालयाच्या कार्यक्षेत्रात वाहनांकरिता पसंती क्रमांक मिळण्याबाबत जानेवारी २०२४ ते ऑक्टोबर २०२५ या कालावधीत एकूण १० हजार २६८ अर्ज स्विकारण्यात आले असून त्यातून ११ कोटी १ लाख इतका महसूल जमा झाला आहे. नागरिकांचा वाढता प्रतिसाद, सेवा सुलभीकरण, पारदर्शकप्रक्रिया आणि विभागातील कार्यक्षम अंमलबजावणीमुळे महसूल जमा झाला आहे.
उपप्रादेशिक परिवहन कार्यालय,बारामती
वाहनाकरिता पसंती क्रमांक जानेवारी ते ऑक्टोबर २०२४ या कालावधीत एकूण ४ हजार ९१९ अर्जाच्या माध्यमातून ४ कोटी १८ लाख तर जानेवारी ते ऑक्टोबर २०२५ या कालावधीत प्राप्त ५ हजार ३४९ अर्जाच्या माध्यामातून ६ कोटी ८३ लाख इतका महसूल प्राप्त झाला आहे.
मागील वर्षाच्या तुलनेत चालू वर्षात पसंती क्रमांकाच्या माध्यमातून प्राप्त महसुलात सुमारे ६३ टक्क्यांनी वाढ तसेच वाहन क्रमांक वाटपाच्या संख्येतही सुमारे ९ टक्क्यांची वाढ झाली आहे, असेही उप प्रादेशिक परिवहन अधिकारी सुरेंद्र निकम यांनी प्रसिद्धी पत्रकान्वये कळविले आहे.
