श्री.अजय भैय्या दादासाहेब सोनवणे यांची भारतीय जनता पार्टी युवा मोर्चा “इंदापुर शहर उपाध्यक्ष” पदी निवड, मा.श्री.प्रदीपदादा गारटकर यांच्या हस्ते नियुक्तीपत्र देण्यात आले.

इंदापूर: भारतीय जनता पार्टी युवा मोर्चा इंदापूर शहर उपाध्यक्ष पदी श्री. अजय भैय्या दादासाहेब सोनवणे यांची निवड करण्यात आली आहे. या निवडीचे अधिकृत पत्र माननीय श्री. प्रदीपदादा गारटकर यांच्या हस्ते त्यांना नुकतेच देण्यात आले.

भाजप युवा मोर्चा इंदापूर शहराध्यक्ष मा. लखन मधुकर जगताप यांच्या स्वाक्षरीने दिनांक २ ऑगस्ट २०२६ रोजी हे नियुक्ती पत्र देण्यात आले आहे. अजय सोनवणे हे आजपर्यंत भारतीय जनता पार्टीचे काम अतिशय चांगल्या पद्धतीने करीत आहेत, आणि याच कार्याची दखल घेऊन त्यांची युवा मोर्चाच्या इंदापूर शहर मंडळ कार्यकारिणीमध्ये उपाध्यक्ष म्हणून वर्णी लागली आहे.

अजय सोनवणे यांना राजकीय वारसा लाभला असून, ते इंदापूर नगरपरिषदेचे माजी नगरसेवक श्री. दादासाहेब सोनवणे यांचे चिरंजीव आहेत. दादासाहेब सोनवणे हे माननीय श्री. प्रदीप दादा गारटकर यांचे अत्यंत निष्ठावान आणि विश्वासू सहकारी म्हणून ओळखले जातात. त्यामुळे अजय यांच्या या नियुक्तीला विशेष महत्त्व प्राप्त झाले आहे.
या नवीन जबाबदारीच्या माध्यमातून अजय सोनवणे हे इंदापूर शहरातील पक्ष संघटना वाढवण्यासाठी आणि सर्वसामान्यांचे प्रश्न सोडवण्यासाठी प्रयत्नशील राहतील, असा विश्वास पक्षाच्या वरिष्ठ नेत्यांनी व्यक्त केला आहे. त्यांच्या या निवडीबद्दल पक्षाचे पदाधिकारी, कार्यकर्ते आणि नागरिकांकडून त्यांच्यावर अभिनंदनाचा वर्षाव होत असून पुढील वाटचालीस शुभेच्छा दिल्या जात आहेत.