बारामतीत महिला पत्रकारावर दोघांचा बलात्कार, बारामती तालुका पोलीस ठाण्यात गुन्हा दाखल.

बारामती:दि.03/10/2025 ते 04/10/2025 रोजी रात्री आठ ते सकाळी आठ वाजण्याच्या सुमारास बारामती येथील व्ही.आय.पी लॉज एम.आय.डी.सी बारामती येथे एका महिला पत्रकारावर दोघांनी बलात्कार केल्याची धक्कादायक घटना समोर आली आहे.

सदर महिला पत्रकार यांना स्टिंग ऑपरेशन कामानिमित्त बाहेर जायचे आहे असे सांगून चार चाकी वाहनातून बारामती येथे लॉज वर घेऊन गेले,आपल्याला येथे रात्री थांबून सकाळी जायचे आहे असे सांगून लॉजवर थांबण्यास भाग पाडले, दरम्यान रात्री अकरा वाजताचे सुमारास प्रथम शेख अजहर कादरी वय ३८ रा.कोंढवा,पुणे याने फिर्यादी यांच्याशी त्यांच्या इच्छेविरुद्ध शारीरिक संबंध केले व ओंकार शेलार वय २६ रा.भिगवण तालुका इंदापूर जिल्हा पुणे यांने त्याच्याकडील मोबाईल मध्ये फिर्यादी यांचा व्हिडिओ शूटिंग केला.

त्यानंतर ओंकार शेलार रा.भिगवण तालुका इंदापूर जिल्हा पुणे याने देखील फिर्यादी यांच्या सोबत त्यांच्या इच्छेविरुद्ध शारीरिक संबंध केला व शेख अजहर कादरी यांने त्याचे व्हिडिओ शूटिंग केली. त्यावेळी फिर्यादी रडू लागल्याने त्या दोघांनी तू मागासवर्गीय जातीची आहे असे म्हणत जातीवाचक शिवीगाळ केली तसेच तुमच्यात असले चालतेच की असे म्हणून..जर तू याबाबत कुणाला काही सांगितले तर तुला कोठे पोहोचवेल समजणार पण नाही व तुझ्या मुलांना मारून टाकीन असे म्हणून धमकी दिली व शिवीगाळ करत दमदाटी केली.

घटनेच्या दुसऱ्या दिवशी  फिर्यादी यांना सकाळी घरी आणून सोडले.असेही फिर्यादी यांनी आपल्या तक्रारीत म्हटले आहे.

त्यानंतर दि. 19 /10/ 2025 रोजी फिर्यादी यांनी मराठी क्रांती न्यूज चॅनल यांच्या व्हाट्सअप वर लेखी राजीनामा पाठवून दिला परंतु शेख अझहर कादरी याने तो स्वीकारला नाही. 

त्यानंतर 15 /11 /2025 रोजी भिगवण येथे ओंकार शेलार रा.भिगवण तालुका इंदापूर याने शिवीगाळ व दमदाटी केली.

सदर माझ्याबाबतीत घडलेल्या घटनेमुळे माझी शेख अझहर कादरी रा.कोंढवा पुणे आणि ओंकार राजेंद्र शेलार रा.भिगवण ता.इंदापूर यांचे विरुद्ध कायदेशीर तक्रार दाखल केली आहे.

दाखल तक्रारीवरून बारामती तालुका पोलीस ठाण्यात भारतीय न्याय संहिता कायदा 70 (1), 77, 351(2) (3), 352, अ.जा.ज.प्र. अधिनियम 3 (1 (r) (s), 3(2) (va), 3(2)(v), 3(1) (W) (1) (u), 6, IT ॲक्ट 65 (e) प्रमाणे गुन्हा दाखल करण्यात आला आहे.

फिर्यादी महिला या मराठी क्रांती न्यूज चॅनलसाठी भिगवण इंदापूर प्रतिनिधी म्हणून कार्यरत होत्या अशीही माहिती समोर येत आहे.

पुढील अधिकचा तपास उपविभागीय पोलीस अधिकारी,बारामती विभाग डॉ.सुदर्शन राठोड करीत आहेत.