अभिव्यक्तीब्रेकिंगमहाराष्ट्रसामाजिक
बारामती तालुका विद्यार्थी वाहतूक संघाची वार्षिक सर्वसाधारण सभा उत्साहात संपन्न; प्रलंबित प्रश्नांवर होणार पाठपुरावा
0
6
9
9
2
8
बारामती: बारामती तालुका विद्यार्थी वाहतूक संघाची वार्षिक सर्वसाधारण सभा गुरुवारी (दि. २८) उत्साहात पार पडली. बारामती शहरातील सातव चौक, पाटस रोड (प्राधिकरण पाण्याचा डॅम कॅनॉल रोड) येथे आयोजित या सभेत विद्यार्थी वाहतूकदारांच्या विविध ज्वलंत समस्यांवर सविस्तर चर्चा करण्यात आली.
सभेचे आयोजन विद्यार्थी वाहतूक महासंघाचे महाराष्ट्र राज्य कार्याध्यक्ष तानाजी बांदल यांच्या मार्गदर्शनाखाली आणि तालुका संघाचे अध्यक्ष गणेश सावंत यांच्या अध्यक्षतेखाली करण्यात आले होते.
या बैठकीमध्ये प्रामुख्याने खालील विषयांवर चर्चा करण्यात आली
-
वाहन पासिंगमध्ये येणाऱ्या तांत्रिक अडचणी.
-
विद्यार्थी वाहन खरेदी-विक्रीसाठी लागणारी आवश्यक कागदपत्रे.
-
संघटनेची ध्येयधोरणे आणि नवीन सभासद नोंदणी.
-
वाहन चालक आणि मालकांना भेडसावणाऱ्या दैनंदिन समस्या.
या बैठकीत निवेदने देण्याचा महत्त्वपूर्ण निर्णय घेण्यात आला.
सभासदांनी मांडलेल्या समस्यांची गंभीर दखल घेत, संबंधित सरकारी कार्यालयांना निवेदन देऊन त्यांचा पाठपुरावा करण्याचा निर्णय सर्वानुमते घेण्यात आला. येत्या काही दिवसांत बारामती उपप्रादेशिक परिवहन कार्यालय (RTO), शिक्षण विभाग आणि राज्य स्तरावर विविध मागण्यांचे निवेदन देऊन तोडगा काढण्यासाठी प्रयत्न केले जाणार आहेत.
जे सभासद या बैठकीस उपस्थित राहू शकले नाहीत, त्यांनी आपल्या अडचणी लेखी किंवा तोंडी स्वरूपात वैयक्तिक संपर्क साधून कळवाव्यात, जेणेकरून संघटनेला त्या समस्यांवर योग्य तो तोडगा काढता येईल, असे आवाहन संघाच्या वतीने करण्यात आले आहे.
