बारामतीत ‘होम मिनिस्टर’ कार्यक्रमाला महिलांचा उत्स्फूर्त प्रतिसाद; उज्वला खांडेकर ठरल्या पैठणीच्या मानकरी

बारामती: स्वामी विवेकानंद सभागृह, बारामती येथे आयोजित ‘हळदी-कुंकू’ आणि ‘होम मिनिस्टर’ कार्यक्रमाला शहरातील महिलांनी उत्स्फूर्त प्रतिसाद दिला. महिलांसाठी आयोजित केलेल्या या विशेष खेळात आणि समारंभात समाजातील भगिनींनी मोठ्या संख्येने सहभाग नोंदवला.

लोणारी समाज सेवा संघाचे (बारामती) अध्यक्ष श्री. अमोल कुलट यांच्या वतीने या हळदी-कुंकू समारंभाचे आयोजन करण्यात आले होते. याच कार्यक्रमाचे औचित्य साधून शिवा काका कारंडे फाऊंडेशनच्या अध्यक्षा सौ. रेणुका कारंडे यांच्या पुढाकाराने महिलांसाठी खास ‘होम मिनिस्टर’ या मनोरंजनात्मक कार्यक्रमाचे आयोजन करण्यात आले. या खेळात महिलांनी मोठ्या उत्साहाने सहभाग घेतला.

विजेत्या महिला आणि बक्षिसे:

या स्पर्धेत विजेत्या ठरलेल्या महिलांना मान्यवरांच्या हस्ते आकर्षक बक्षिसे देऊन गौरविण्यात आले. 

      विजेत्यांची नावे खालीलप्रमाणे:

 * प्रथम क्रमांक (पैठणी साडी): सौ. उज्वला सुधीर खांडेकर

 * द्वितीय क्रमांक (सोन्याची नथ): सौ. स्वाती सूर्यकांत होळकर

 * तृतीय क्रमांक (१ ग्रॅम सोन्याची ठुशी): सौ. इंदुताई राजेंद्र कुंभार

 * उत्तेजनार्थ पारितोषिक (चांदीची फ्रेम): सौ. शुभांगीताई काळेल

या मुख्य बक्षिसांव्यतिरिक्त इतर अनेक आकर्षक बक्षिसे आयोजक श्री. अमोल कुलट यांच्या वतीने महिलांना देण्यात आली.

शिवा काका कारंडे फाऊंडेशनच्या वतीने राबविण्यात आलेला हा उपक्रम अतिशय यशस्वी ठरला. या कार्यक्रमाच्या आणि आतापर्यंत राबविलेल्या विविध स्तुत्य सामाजिक उपक्रमांमुळे फाऊंडेशनचे बारामती तालुक्यात सर्वत्र विशेष कौतुक होत आहे.