पुणेकर नागरिकांसाठी मोठी संधी! वाहतूक नियम मोडणाऱ्यांचे फोटो पाठवा आणि मिळवा ५० हजारांपर्यंत बक्षीस; पुणे वाहतूक उपायुक्त, हिम्मत जाधव यांची माहिती

पुणे: पुणे वाहतूक पोलिसांनी (Pune Traffic Police) शहरातील वाहतूक व्यवस्था सुधारण्यासाठी आणि नागरिकांचा सहभाग वाढवण्यासाठी एक महत्त्वपूर्ण पाऊल उचलले आहे. पुणे वाहतूक शाखेचे पोलीस उपायुक्त (DCP) हिम्मत जाधव यांनी ‘PTP App’ (Pune Traffic Police App) बाबत महत्वाची माहिती दिली असून, या माध्यमातून सामान्य नागरिकांना आता ‘पोलीस मित्र’ बनण्याची संधी मिळणार आहे. विशेष म्हणजे, नियम मोडणाऱ्यांचे फोटो पाठवणाऱ्या नागरिकांना दरमहा हजारो रुपयांचे बक्षीस जाहीर करण्यात आले आहे.

   काय आहे पुणे पोलिसांची योजना?

डीसीपी हिम्मत जाधव यांनी दिलेल्या माहितीनुसार, पुणे पोलिसांनी सर्वसामान्यांच्या हाती पोलीस बनण्याचे अधिकार दिले आहेत. जर तुम्हाला रस्त्यावर कोणी वाहतूक नियम मोडताना दिसले (उदा. सिग्नल तोडणे, ट्रिपल सीट, रोंग साईड, इ.), तर तुम्ही तुमच्या मोबाईलमधील ‘PTP App’ द्वारे त्याची तक्रार करू शकता.

पुणे पोलिसांनी येत्या ६ महिन्यांसाठी ही बक्षीस योजना जाहीर केली असून, महिन्याभरात सर्वाधिक आणि अचूक केसेस (Violations) रिपोर्ट करणाऱ्या नागरिकांना खालीलप्रमाणे बक्षिसे दिली जातील:

 * 🥇 प्रथम बक्षीस: ₹ ५०,०००/-

 * 🥈 द्वितीय बक्षीस: ₹ ४०,०००/-

 * 🥉 तृतीय बक्षीस: ₹ ३०,०००/-

 * 🏅 चौथे बक्षीस: ₹ २०,०००/-

 * 🏅 पाचवे बक्षीस: ₹ १५,०००/-

        ‘PTP App’ कसे वापरावे?

१. गुगल प्ले स्टोअरवरून ‘PTP App’ डाऊनलोड करा.

२. ॲप ओपन करून ‘Report Violation’ (नियम उल्लंघन तक्रार) या बटणावर क्लिक करा.

३. यामध्ये १२ ते १३ प्रकारचे उल्लंघन (Violations) दिलेले आहेत (उदा. ट्रिपल सीट, विना हेल्मेट, इ.).

४. नियम मोडणाऱ्या वाहनाचा फोटो काढा आणि वाहन क्रमांक (Number) ॲपमध्ये ॲड करून सबमिट करा.

या योजनेचे खास वैशिष्ट्य म्हणजे तक्रार करणाऱ्या नागरिकाचे नाव आणि ओळख पूर्णपणे गोपनीय (Secret) ठेवली जाणार आहे. स्वतः पोलिसांनाही तक्रारदाराचे नाव समजत नाही. बक्षीस मिळाल्यास ते घरपोच पोहोचवण्याची सुविधाही दिली जाईल, जेणेकरून कोणाचीही ओळख उघड होणार नाही.

⚠️ महत्वाची अट: तक्रार करणाऱ्या नागरिकाच्या स्वतःच्या वाहनावर कोणताही दंड (Challan) प्रलंबित नसावा. ज्याच्या स्वतःच्या गाडीवर दंड बाकी आहे किंवा जो स्वतः नियम मोडतो, त्याला हे बक्षीस मिळणार नाही.

पुणेकरांनी, विशेषतः तरुणांनी आणि डिलिव्हरी पार्टनर्सनी (उदा. Zomato/Swiggy) आपले काम करता करता या योजनेचा लाभ घ्यावा आणि पुणे शहराची वाहतूक शिस्तप्रिय करण्यास मदत करावी, असे आवाहन पुणे वाहतूक पोलिसांतर्फे करण्यात आले आहे.