अवैधरित्या वेश्या व्यवसाय करिता जबरदस्ती नेणाऱ्या दोन महिलाची सुटका, वडगाव निंबाळकर पोलीसांकडूनदोन सराईत आरोपींना अटक.

बारामती : एका चारचाकी वाहनातून वेश्या व्यवसायाकरिता जबरदस्तीने चालवलेल्या दोन महिलांची वडगाव निंबाळकर पोलिसांनी सुटका करून तसेच या घटनेत दोन सराईत आरोपींना अटक करण्यात आली असल्याची घटना समोर आली आहे.

दिनांक 15/09/2025 रोजी करंजेपूल बस स्थानक परिसरात पेट्रोलिंग करीत असताना, एक संशयित लाल रंगाची,काळया काचा असलेली स्विफ्ट चार चाकी संशयास्पद परिस्थितीत फिरत आहे अशी माहिती पोलिसांना मिळाल्याने त्या अनुषंगाने पोलीसांनी नाकाबंदी लावून गाडी क्रमांक MH 11 MD 8055 थांबवून पाहणी केली असता, त्यामध्ये संशयित दोन पुरुष व दोन महिला मिळून आल्या. त्यांची महिला पोलीस कॉन्स्टेबल यांच्याकडून समक्ष कसून चौकशी केली असता, यात दोन पीडित महिला यांना पैशाचे आमिष दाखवून जबरदस्तीने बेकायदेशीर,अवैधरीत्या वेश्या व्यवसाय करण्याकरिता हडपसर पुणे येथून लोणंद येथे आणून त्यांना वेश्या व्यवसाय करण्यास भाग पाडून व पुन्हा त्यांना या गैरकृत्या करिता नीरा बारामती रस्त्यावरून नेण्यात येत असल्याचे समोर आले.

यातील पीडित महिलेची फिर्याद घेऊन वडगाव निंबाळकर पोलीस स्टेशन येथे महिला व मुली अनैतिक व्यापार प्रतिबंध अधिनियम कलम 4,5 प्रमाणे तसेच भारतीय न्याय संहितेच्या विविध कलमान्वये सुयोग हिंदुराव खताळ राहणार कापडगाव,लोणंद तालुका फलटण,जिल्हा सातारा व गाडी चालक प्रीतम आप्पासाहेब घुले राहणार कापडगाव,लोणंद तालुका फलटण,जिल्हा सातारा या आरोपींवर गुन्हा दाखल करण्यात आला आहे.

या गुन्ह्याचा सखोल तपास करून आणखी मोठे रॅकेट उघड होण्याची दाट शक्यता आहे.

सदर गुन्ह्याचा पुढील तपास पोलिस निरीक्षक,विलास नाळे व पोलीस उपनिरीक्षक राहुल साबळे हे करीत आहेत.

सदरची कारवाई संदीपसिंह गिल्ल,पोलीस अधीक्षक पुणे ग्रामीण,गणेश बिरादार,अप्पर पोलीस अधीक्षक, बारामती विभाग,सुदर्शन राठोड,उपविभागीय पोलीस अधिकारी, बारामती उपविभाग यांच्या मार्गदर्शनाखाली विलास नाळे पोलिस निरीक्षक,नागनाथ पाटील सहाय्यक पोलीस निरीक्षक,पोलीस उपनिरीक्षक राहुल साबळे, डी एस वारुळे श्रेणी पोलीस उपनिरीक्षक, पोलीस हवालदार अमोल भोसले व एस पी देशमाने, रमेश नागटिळक,कुंडलिक कडवळे,पोपट नाळे,निलेश जाधव,नागनाथ परगे यांनी मिळून केली.