बारामतीचे सामाजिक कार्यकर्ते  मंगलदास निकाळजे यांचा राज्यस्तरीय सन्मानाने गौरव.

बारामती : ज्ञानमाता सेवाभावी संस्था, पुणे यांच्या वतीने समाजकार्य क्षेत्रात उल्लेखनीय आणि सातत्यपूर्ण कार्य केल्याबद्दल विविध क्षेत्रातील मान्यवरांचा दिनांक १२ ऑक्टोबर २०२५ रोजी पुण्यात लोकशाहीर अण्णाभाऊ साठे कलादालन, येवलवाडी, पुणे येथे राज्यस्तरीय सन्मानपत्र व पुरस्कार प्रदान सोहळा पार पडला,

यामध्ये बारामतीचे सामाजिक कार्यकर्ते मा.मंगलदास निकाळजे यांना ज्ञानमाता सेवाभावी संस्था, पुणे तर्फे राज्यस्तरीय सन्मानपत्र व पुरस्काराने गौरविण्यात आले.

हा सन्मान “माहितीचा अधिकार नागरिक समूह” यांच्या तिसऱ्या राज्यस्तरीय अधिवेशनात साहित्यरत्न लोकशाहीर अण्णाभाऊ साठे सभागृह, येरवडा पुणे येथे आयोजित करण्यात आला.

कार्यक्रमास राज्यभरातील विविध सामाजिक क्षेत्रातील मान्यवर, कार्यकर्ते, पत्रकार आणि शिक्षण क्षेत्रातील व्यक्ती उपस्थित होते.

मंगलदास निकाळजे यांचा गौरव का?

माहिती अधिकाराच्या माध्यमातून समाजातील अन्यायाविरोधात लढा देणे, शैक्षणिक, सामाजिक, आरोग्य, न्यायिक व पर्यावरणीय प्रश्नांवर सातत्याने आवाज उठवणे या त्यांच्या कार्याचा सन्मान म्हणून हा पुरस्कार देण्यात आला.

त्यांच्या कार्यामुळे जनजागृतीसह शासनातील पारदर्शकतेला चालना मिळाली असून, त्यांनी दाखवलेला लढाऊ व सकारात्मक दृष्टिकोन इतरांसाठी प्रेरणादायी ठरला आहे.

ज्ञानमाता सेवाभावी संस्थेचे अध्यक्ष अब्राहम आढाव व सचिव अमर कामठे व मान्यवरांच्या हस्ते हा पुरस्कार प्रदान करण्यात आला.

या सन्मानामुळे बारामती आणि परिसरात अभिमानाची भावना व्यक्त होत असून, मंगलदास निकाळजे यांचे समाजकार्यातील योगदान अधिक जोमाने पुढे नेण्यास नवी ऊर्जा मिळाली आहे.

 “आपण समाजसेवेचा हा प्रवास असाच पुढे चालू ठेवावा, हीच आमची मनःपूर्वक शुभेच्छा”,असा संदेश संस्थेच्यावतीने देण्यात आला.