एकनाथ शिंदे हेच मुख्यमंत्री व्हावेत म्हणून राज्यात ठिकठिकाणी देवांकडे साकडे.

बारामती : आज दिनांक २५ नोव्हेंबर २०२४ रोजी मुंबई येथील सुप्रसिद्ध व जागृत अशा समजल्या जाणाऱ्या सिद्धिविनायका समोर महाराष्ट्र राज्यातून आलेल्या व मुख्यमंत्री वैद्यकीय सहाय्यता कक्षाकडून आर्थिक मदत मिळवून नवजीवन मिळालेल्या रुग्णांच्या वतीने २०२४ च्या विधानसभा निवडणुकीत दैदिप्यमान असे यश मिळवणाऱ्या महायुतीचे पुढचे मुख्यमंत्री हे एकनाथ शिंदे हेच व्हावेत असे सामुहिक व सार्वजनिक आवाहन करण्यात आले, यावेळी राज्याच्या अनेक भागातून आलेल्या रुग्णांकडून पुन्हा एकदा राज्याचे मुख्यमंत्री एकनाथ शिंदेच व्हावेत असे सिद्धिविनायक चरणी साकडे घालण्यात आले व तशी एकत्रित प्रार्थना करण्यात आली.

दरम्यान राज्यातील विविध जिल्ह्यातही रुग्णांच्या वतीने आपापल्या भागातील सुप्रसिद्ध, जागृत तसेच आपापल्या परिसरातील,गावातील ग्रामदेवतेला अगदी घरातील देवांना साकडे घालून प्रार्थना करण्यात आल्याचे समजते.

गोरगरीब रुग्णांसाठी देवदूत व सामान्य जनतेसाठी कैवारी असलेले महाराष्ट्राचे संवेदनशील मुख्यमंत्री मा.श्री.एकनाथजी शिंदे यांच्यामुळे राज्यातील सुमारे ५१००० पेक्षा जास्त रुग्णांचे जीव वाचले, नव्हे वाचलेच आहेत असे म्हटले तरी वावगे ठरणार नाही अशी दैदिप्यमान,ऐतिहासिक कामगिरी अवघ्या दोन वर्षे चार महिन्यात केली आहे.मुख्यमंत्री वैद्यकीय सहाय्यता कक्षाच्या माध्यमातून आतापर्यंत ३७५ कोटींपेक्षा जास्त निधी वितरित करीत राज्यातील गोरगरीब, गरजु जनतेला रुग्ण सहाय्यताच्या माध्यमातून आर्थिक मदत देण्याचे कार्य राज्याचा प्रथम नागरिक व एक जननायक म्हणून त्यांनी न्याय देण्याचे महान कार्य केले आहे.

खरं तर मुख्यमंत्री वैद्यकीय सहायता निधी कक्षाचा हा एक विक्रमच आहे.

मुख्यमंत्री वैद्यकीय सहाय्यता कक्षाने रुग्णसेवेत उत्कृष्ट कार्य करुन राज्यातील हजारो रुग्णांना नवजीवन दिले आहे.या योजनेमुळे अनेक रुग्णांना जीवनदान मिळाले आहे आणि आजही मिळत आहे त्यामुळे ही योजना महाराष्ट्र राज्य सरकारची महत्वाकांक्षी योजना ठरली असल्याचे प्रतिपादन नुकतेच राज्याचे संवेदनशील मुख्यमंत्री श्री एकनाथ शिंदे यांनी केले होते.

राज्यातील गोरगरीब गरजू रुग्णांना दुर्धर आणि महागड्या  शस्त्रक्रियांसाठी मुख्यमंत्री वैद्यकीय सहाय्यता कक्षातून थेट अर्थसहाय्य केले जात आहे. या योजनेमुळे रुग्णांचे प्राण वाचत असल्याने मुख्यमंत्री कार्यालयात आलेला एकही रुग्ण हा मदतीविना वंचित राहता कामा नये याची दक्षता घेण्याचे आदेश मुख्यमंत्री एकनाथ शिंदे यांनी दिलेले आहेत.

आदेशाची अतिशय सुयोग्य पद्धतीने अंमलबजावणी करत आपल्या सातत्यपूर्ण कामगिरीचा चढता आलेख कायम राखत या कक्षाने गेल्या २ वर्ष ४ महिन्यात सुमारे ५१००० हून अधिक गोरगरीब गरजू रुग्णांना एकूण ३७५ कोटी रुपयांची आर्थिक मदत वितरित केली आहे.

मुख्यमंत्री वैद्यकीय सहायता कक्षाची मूळ संकल्पना मांडणारे महाराष्ट्राचे आरोग्यदूत श्री.मंगेश नरसिंह चिवटे यांची विशेष कार्य अधिकारी म्हणून नियुक्ती करून मुख्यमंत्री श्री.एकनाथ शिंदे यांनी या कक्षाची जबाबदारी दिली होती.या वैद्यकीय मदत कक्षाचे कक्ष प्रमुख म्हणून श्री.मंगेश चिवटे हे आजतागायत काम पाहत आहेत व सध्या महाराष्ट्राचे कक्षप्रमुख म्हणून श्री.रामहरी राऊत हे त्यांना खंबीरपणे साथ देत आहेत. यांच्यासह मुख्यमंत्री वैद्यकीय सहाय्यता कक्षाची संपूर्ण टीम यासाठी अविरत असे कार्य करीत आहे.

तमाम महाराष्ट्रातील जनतेची इच्छा आहे की आपल्या सर्वांच्या आशिर्वादाने पुन्हा एकनाथ शिंदे महाराष्ट्राचे मुख्यमंत्री व्हावेत व त्यांनी जनतेची सेवा करावी तसेच हा वैद्यकीय मदत कक्ष असाच अखंडपणे कार्यान्वित रहावा व या माध्यमातून राज्यातील गोरगरीब, गरजु जनतेला वैद्यकीय मदत मिळत रहावी.

मुख्यमंत्री एकनाथजी शिंदे  हे महाराष्ट्र  राज्याच्या मुख्यमंत्री पदी पुन्हा विराजमान व्हावे  यासाठी मुख्यमंत्री सहायता निधी मधून ज्या रुग्णांना मदत झाली त्यांच्यातर्फे अहिल्यानगरचे ग्रामदैवत श्री विशाल गणपती चरणी आरती करून साकडे घालण्यात आले.

राज्याचे मुख्यमंत्रीपदी एकनाथ शिंदे साहेबच असावेत म्हणून काही प्रतिक्रिया