सातारा जिल्हा भाजपा युवा मोर्चाचे उपाध्यक्ष संदीपकुमार जाधव यांचा राजीनामा,- स्थानिक राजकारणाला कंटाळून राजीनामा दिल्याची चर्चा 

बारामती: सातारा जिल्हा भाजपा युवा मोर्चाचे उपाध्यक्ष संदीपकुमार जाधव हे सामाजिक व राजकीय क्षेत्रातील धडाडीचे युवा कार्यकर्ते यांनी नुकताच आपल्या भारतीय जनता युवा मोर्चाच्या जिल्हा उपाध्यक्षपदाचा राजीनामा दिला आहे व भारतीय जनता पक्षाला रामराम ठोकला आहे त्यांनी आपले राजीनामा पत्र युवा मोर्चाचे जिल्हाध्यक्ष चिन्मय कुलकर्णी यांना पाठवले आहे.

अखिल भारतीय विद्यार्थी परिषद, संस्कार भारती या संस्थांमधून कार्यरत असणारे संदीपकुमार जाधव हे भाजपचे तत्कालीन जिल्हाध्यक्ष विक्रम पावसकर यांच्या माध्यमातून सन 2014 – 15 पासून भारतीय जनता युवा मोर्चामध्ये फलटण शहराध्यक्ष म्हणून सक्रीय झाले. त्यानंतर सुमारे दीड वर्षापूर्वी त्यांच्यावर युवा मोर्चाच्या जिल्हा उपाध्यक्षपदाची जबाबदारी देण्यात आली होती. युवकांचे संघटन, पक्षाची आंदोलने, मोर्चे, लोकसभा व विधानसभा निवडणूका यामध्ये संदीपकुमार जाधव यांनी सक्रीय योगदान दिले आहे.

माजी खासदार रणजितसिंह नाईक निंबाळकर, फलटण नगरपरिषदेचे माजी विरोधी पक्षनेते समशेरसिंह नाईक निंबाळकर यांच्या नेतृत्त्वात कार्यरत असणारे संदीपकुमार जाधव यांनी नेतृत्त्वावर कोणतीही नाराजी नसताना स्थानिक अंतर्गत राजकारणाला कंटाळून राजीनामा दिला असल्याचे स्पष्ट होत आहे.

येणाऱ्या फलटण नगरपरिषद निवडणुकीत भाजपाला फटका बसणार का? या बाजूनेही चर्चांना उधाण आले आहे.

भाजपच्या राजीनाम्यानंतर आता संदिपकुमार जाधव कोणती राजकीय वाट पकडणार? याबाबत उलट सुलट चर्चा होताना दिसत आहे.

फलटण तालुक्यात भाजप कार्यकर्त्यांची,पदाधिकाऱ्यांची खरंच गळचेपी होत आहे का? 

फलटण तालुक्यातील स्थानिक राजकारणात कार्यकर्त्यांना विचारात घेतले जात नाही का?

फलटण तालुक्यातील भाजप फक्त आर्थिक गणितं जुळवण्यासाठीच कार्यकर्ते व पदाधिकारी यांना जवळ करत आहेत का?

भाजपाचा एक युवा पदाधिकारी आज अशा स्थानिक राजकारणाचा,कुरघोडींचा‌ बळी ठरला आहे का?

असे प्रश्न यानिमित्ताने फलटण तालुक्यात उपस्थित होत आहेत.