भीषण अपघातात दोन ठार, सुपा पोलिस ठाण्यात गुन्हा दाखल 

बारामती: 10/07/2025 रोजी रात्री 10:15 वाजण्याच्या सुमारास उंडवडी सुपे ता.बारामती गावच्या हद्दीत शिर्सुफळ फाट्याजवळ एका दुचाकी व चार चाकी वाहनाचा भीषण अपघात घडल्याची माहिती पोलिसांकडून मिळाली आहे. 

पाटस कडून बारामती कडे जाणाऱ्या टाटा टिगोर या चार चाकी वाहनावरील चालकाचे नियंत्रण सुटल्याने हे चारचाकी वाहन महामार्गावरील दुभाजक ओलांडून विरुद्ध दिशेला गेले व कामासाठी जाणाऱ्या दुचाकी स्वाराला जावून जोरदार धडकले.

या अपघाताची तीव्रता एवढी भयानक होती की,या अपघातातील चारचाकी वाहन पलटी झाले. 

दोन्ही वाहने हि अपघाताच्या ठिकाणापासून सुमारे दोनशे ते तीनशे फुट फरफटत जावून लोखंडी संरक्षित कठड्यावर अडकली होती.यात चारचाकी चालकाचा जागीच मृत्यू झाला.त्याचे नांव अजित लक्ष्मण लगड रा.गोपाळवाडी भुईटेनगर ता दौंड (मयत) असे सांगण्यात येत आहे.

मयत चालक अमित लक्ष्मण लगड याने बेदरकारपणे तसेच अविचाराने,रहदारीच्या नियमांकडे दुर्लक्ष करुन भरधाव वेगात चालवून माझा  विशाल कोकरे यांच्या दुचाकीला क्रमांक MH 42 BA 6875 हिला समोरुन धडक देवुन अपघात केला,व या अपघातामध्ये विशाल रामचंद्र कोकरे वय 34 वर्षे रा धुमाळवाडी पणदरे ता बारामती याचा अपघातामध्ये मृत्युस तसेच स्वतः च्या मृत्युस व दोन्ही वाहनांच्या नुकसानीस कारणीभुत झाला म्हणुन अजित लक्ष्मण लगड रा.गोपाळवाडी भुईटेनगर ता दौंड जि पुणे यांचे विरुद्ध हर्षद रामचंद्र कोकरे रा.धुमाळ वाडी पणदरे ता बारामती यांनी कायदेशीर फिर्याद दिली आहे.

सदर  फिर्यादीवरून सुपा पोलीसांनी गुन्हा दाखल केला असुन गुन्ह्याचा पुढील तपास सुपा पोलिस ठाण्याचे प्रभारी अधिकारी श्री.मनोज नवसरे यांच्या मार्गदर्शनाखाली पोलीस उपनिरीक्षक श्री.कोळी करीत आहेत.