ब्रेकिंगमहाराष्ट्र
जळोची येथे ३० ते ३५ वर्षीय तरुणाचा गळफास घेतलेल्या अवस्थेत आढळला मृतदेह; ओळख पटविण्याचे पोलिसांचे आवाहन
0
6
0
7
5
1
बारामती: बारामती शहरातील जळोची हद्दीत मार्केट यार्ड परिसरामागे एका तरुणाचा मृतदेह गळफास घेतलेल्या अवस्थेत आढळून आल्याने खळबळ उडाली आहे. शनिवारी (दि. २७) दुपारी ३ च्या सुमारास ही घटना उघडकीस आली. या अनोळखी इसमाची ओळख पटविण्याचे आवाहन बारामती शहर पोलिसांनी केले आहे.
याबाबत मिळालेल्या माहितीनुसार, मौजे जळोची (ता. बारामती) गावच्या हद्दीत मार्केट यार्ड रोडवरील हॉटेल ‘जय मल्हार’च्या पाठीमागे ही घटना घडली. भानुदास हिंगणे व शंकर गोरे यांच्या शेताच्या बांधावर असलेल्या कडुनिंबाच्या झाडाला एका ३० ते ३५ वयोगटातील अनोळखी पुरुषाने टॉवेलच्या साह्याने गळफास घेतल्याचे निदर्शनास आले.
पोलिसांनी घटनास्थळी धाव घेत मृतदेह ताब्यात घेतला असून, मयताची ओळख पटविण्याचे काम सुरू आहे. तरी सदर इसमाबद्दल कोणालाही माहिती असल्यास तत्काळ पोलिसांशी संपर्क साधावा, असे आवाहन करण्यात आले आहे.
मयताची ओळखखालील प्रमाणे आहे (वर्णन)
वय: अंदाजे ३० ते ३५ वर्षे
लिंग: पुरुष
चेहरा: केस काळे-पांढरे, दाढी पूर्ण वाढलेली (काळी-पांढरी).
पेहराव: अंगात फिकट निळ्या रंगाचा लायनिंगचा शर्ट आणि काळी पॅन्ट (त्यावर पांढऱ्या रंगाचे लायनिंग).
माहितीसाठी संपर्क:
सदर वर्णनाच्या व्यक्तीबद्दल कोणास काही माहिती असल्यास किंवा कोणी बेपत्ता असल्यास खालील क्रमांकांवर संपर्क साधावा:
मा. पोलीस निरीक्षक श्रीशैल चिवडशेट्टी: 8108222068
पोलीस उपनिरीक्षक (PSI) सतीश राऊत: 9405203701
पोलीस हवालदार कांबळे (ब.नं. २३७५): 8850309820
